Habang naghihintay sa pagsagot ng ina ay ini-ensayo naman ni Marro ang sasabihin dito tungkol sa pakay ng tawag niyang iyon. Ito ang unang beses na tatawag siya sa ina simula noong huli nilang dalaw ni Martina dito pagkatapos niyon ay puro text nalang ang ginawa niyang pangungumusta at madalang pa kaya pihadong magtataka ito sa tawag niyang iyon.
"Hello, 'Ma?" Bungad niya ng magsalita ito sa kabilang linya. "Are you busy?"
"Woh. It's nice to hear your voice, anak. Mabuti naman at naalala mo pa ako." Sarkastikong sagot ng mama niya. Napaghandaan naman na niya iyon kaya hindi nalang niya pinatulan ang inis ng ina bagkus ay humingi pa siya dito ng dispensa.
"Sorry, 'Ma. It's not like I'm trying to forget you. I'm just busy, that's all." Panimulang paliwanang niya. Kapag hindi niya kasi i
