Bagsak ang balikat ni Toyang habang naglalakad pabalik sa kwarto nila. Mamaya na lang nya siguro kukunin kay Candy ang kanyang hinihiram na swimwear, baka kasi nagchu-churvahan na ang dalawa eh maka-istorbo pa sya. Yukong-yuko sya at kasalukuyang nag-iisip nang malalim nang may tumamang matigas na bagay sa ulo nya, dahilan upang sya ay mapaupo dala ng pagkahilo. Paglinga nya sa paligid ay nakita nya ang bola ng volleyball sa kanyang paanan. Taragis, humanda sa kanya kung sino man ang nagmamay-ari ng bola na yun. Peste, mabubukulan pa ata sya ah.
Malalaking kamay ang dumaklot sa magkabila nyang braso upang alalayan siyang tumayo. Gusto nyang sisihin ang pagkaka-kulot ng buhok nya dahil humarang ito sa kanyang mukha kaya naman di nya makilala kung sino ba ang umaalalay sa kanya. Bakit kasi
