Hindi ko namalayan kung anong oras na ako nakatulog. Nagising na lang ako nang nakaramdam ako na naiihi ako kaya dahan-dahan akong bumangon para hindi magising si Rome.
Kumunot naman ang noo ko nang hindi ko na nakita sa kama si Rome mula sa dim na paligid. Malamang ay nasa CR ito. Marahan akong umalis ng kama habang hawak ang tiyan ko. Sinilip ko muna si Rowan na mahimbing na natutulog sa crib niya. Matapos ay lumapit ako sa CR at itinapat ang tainga kung naroon si Rome.
Pangalawang beses ko na kasi naranasan ito na magising na wala si Rome sa tabi ko. Nang isang araw ay alam kong nasa CR ito dahil narinig ko ang lagaslas ng tubig. Ngayon ay ganoon pa rin.
Idiniin ko pa ang tainga sa pinto.
“Ughhhh… baby…”
Agad ko naman inalis ang pagkakalapat ng tainga sa pinto at kumunot ang noo.
