2

2254 Words

ندى : السلام عليكم كيفكم بنات شهد : الحمد لله بخير اينو : وكيفك انتي ندى : تمام فينها اسراء اتاخرت مو من عادتها شهد : ايوة مدري اشبها اينو : عبل ما تجي امشوا نتمشى في الساحة ومشيوا سوا وجالسين يهرجوا ويضحكوا ندى : بنات قلتلكم على جيراننا الجدد شهد : لا والله ما قلتي ندى : جو ناس سكنو عندنا من قبل شهر وانا اتخدع امي عشان تعزمهم ابغى اعرفهم واعرف طبعهم واصلهم وفصلهم اينو : ملقفة ما تبطليييها ندى : لا مو ملقفة هذي بس ابغى اعرف مين هما يعني المفروض اذا عرفوا انو يحنا اصحاب البيت المفروض يزورونا ويسلمو علينا وما يحتاج لعزيمة ايمان : ههههههههههه اصبري شوي وراح يجوكم ندى : ايوة يا اينو فاكرة قبل امس يوم قلتي تحبي ولد الجيران منجدك شهد : اووو حركاات ايمان : هههههههههههههه قلتلكم بس استبله اصلا انا ما احب ولا ودي احب وليش يختي اعلق نفسي بواحد وبعدين ما اكون معاه ندى : خخخخ طيب هو لسى عايش معاكم ايمان : لا طبعا هو نقل ويحنا نقلنا اقولك زمان يعني يمكن حب طفولي بس وحق اللعب ندى على طول افتكرت وليد وافتكرت كيف يلعبوا سوا : اها شهد : بنات دق الجرس واسراء ماجات ندى : يمكن سار لها عذر وبتتاخر خلينا نطلع ونستناها طبعا وقفوا في الطابور وجالسين ينشدوا النشيد الوطني بس طبعا ندى وشهد واينو يضحكو وما ينشدوا وكل يوم ياكلوا تهزيئ طلعوا على الفصل وبرضوا اسراء ماجات وجات معلمة الغياب وكتبت عليها غياب بعد ما رجعت البيت ندى على طول دقت على اسراء بس ما ترد عليها استنت للعصر ودقت ثاني اسراء : الو ندى : الووو اسراء كيفك اسراء : الحمد لله ندى : اشبك غايبة سلامات .؟.؟ اسراء : تعبانة مرة ندى : تعبانة ايش فيكي ما تشوووفي شر اسراء : فيني سخونة وبس استفرغ ندى : الله يشفيكي طيب رحتي للمستشفى ؟ اسراء بدت تبكي : رحت يا ندى رحت ندى : وايش قالوا اششبك تبكي يا عمري اسراء : قالوا لازم عملية ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. تجميعي : ♫ معزوفة حنين ♫.. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ اسراء : قالوا لازم عملية ندى : عملية ليييش اسراء : عملية في حصاة في معدتي ندى : ياربي لازم عملية اسراء : المشكلة مو هنا المشكلة امي امس سافرت وماراح ترجع الا بعد اسبوعين وما ابغى اسوي العملية من دونها وهم قالوا لازم ضروري ندى : وابوكي اسراء : موجود بس ماراح يقدر يبات معايـا لانه مشغول في عمله ومع اخواني الصغار ندى : سروو انا راح اجلس معاكي اسراء : حلوه ذي وامك والمدرسة ندى : اشبها امي ماهي صغيرة والمدرسة طز فيها انا خايفة عليك انتي بس لو تقولي من اليوم لبكرة لا راح اعندك واجلس معاك عشان كذا لا تتعبي نفسك وترفضي اسراء : ندى منجدك تهرجي انتي ندى : يعني بامزح مثلا ايش رايك انتي اسراء : بس ندى : من غير بس هاتي اسم المستشفى ورقم الغرفة وراح اكون عندك اسراء : يااااارب لا تحررمني منها اقولك بكرة العملية ندى : اوك بكرة راح اكون عندك اسراء : احبك يا ندووو ندى : وانا كمان سكت ندى السماعة وجلست تبكي وهي خايفة على صديقتها ولمن جات امها على طول مسحت دموعها ندى : هلا امي كيفك سارة : الحمد لله وانتي كيفك وكيف المدرسة ندى : ماشي حالها سارة : اشبك يا بنتي منتي على بعضك ندى : امي في موضوع ابغى اكلمك فيه سارة : طيب بس اجيب الغذا واجيكي وجابت الغذا وجلسوا على سفرة الطعام سارة : ها يا حبيبتي ايش في ندى : امي صحبتي في المستشفى بتسوي عملية سارة : يا الله مين هيا .؟ ندى : صديقتي اسراء وخايفة مرة عليها سارة : عملية ايش ان شاء الله تكون طيبة وما يسير لها حاجة ندى : المشكلة مو هنا المشكلة مافي احد راح يكون معاها غيري انا سارة : ليش اهلها فين ندى : امها مسافرة وابوها راح يكون مشغول مع شغله واخواتها الصغار عندها ماشاء الله 4 صغار مين راح يجلس معاهم غير ابوها سارة : بس خوف عليكي انتي لوحدك وياليتها تقرب لنا صحبتك ندى : امي هذي اقرب وحده لي بعدك يعني هي اختي وانا مالي اخت وهي املي وكل شي بالنسبة لي عشان كذا ابغى احس اني منجد اختها وابغى اكون معاها الله يخليكي يا امي وافقي لي سارة : اممم ومتى بتسويها وكم يوم راح تجلس ودراستك كيف ندى : بكرة راح تسوي العملية ويمكن ثلاث ايان بالكثير وتخرج ودراستي ما عليكي منها ولو مصرة راح اخذ معايا كتبي للمستشفى سارة : اذا انتي مصرة لهذي الدرجة فالله معاكي سوي اللي تبغيه ندى :منجد يا امي مواااافقة سارة : ايوة ندى : احبك يا امي ششكرا واعطت ندى لشهد وايمان خبر عن اسراء وهم دقوا عليها وكلموها وساروا يدعولها يوم الاحد دخلت اسراء لغرفة العمليات وكان معاها برا ابوها واسراء واختها الوسط ثاني متوسط قبل لا تدخل غرفة العملية سلمت على ابوها وضمته وبعدين سلمت على ندى بعد 4 ساعات خرجوها من غرفة العمليات على غرفة عادية وكانت مبنجة يعني ما تدري عن شي ابوها سلم عليها بعد ما خرجت واطمن عليها وراح وبقي ندى واختها اسراء نايمة وم**رة نورة : ندى ندى : هلا نوارة نورة : اممم انتي راح تجلسي مع اختي ندى : ايوة يا قلبي نورة : اهممم حاولت تجيب هرجة بس مافي ندى : نورة انتي ثاني متوسط صح نورة : ايوة ندى : كيف المدرسة معاكي حلوه ولا لا نورة : هي ترفع الضغط احيانا بس لا بد منها واحلى شي فيها البنات ندى : ههههههه والابلات نورة : يرفعوا الضغط زيادة ندى : غريبة انا كنت مرررة احب ابلاتي ولساعي افتكرهم ونفسي اروح لهم واسلم عليهم نورة : وعع قال نحبهم ندى : كم نسبتك يا دوبا نورة : 93 ندى : كويس مو مرة رايحة فيها اسمعي يا ستي كل واحد لازم يخلي لنفسه ذكرى طيبة حتى لو انه نقل او مات الناس يفتكروه بالخير مو يقولو الحمد لله افتكينا منه صدقيني انا لو دحين رحت لعندهم وسلمت عليهم راح تلقيهم ينبسطوا ويفرحوا لاني خليت لنفسي ذكرى حسنة وطيبة وفي بعض البنات الابلات حتى ما يبغو يشوفوا وجوههم ثاني نورة : اهمم صح بس هم احيانا يرفعوا الضغط ندى : زي ايش صدقيني كله لمصلحتك لو عاقبوكي ولا خا**وكي كله لمصلحتك اهم شي احترميهم ترا قدرهم عالي ومهم بس يحنا ما نعطيهم كل حقهم شوفي بس كيف هم يتعبوا ويشتغلوا وفي النهاية يلقوا منك شي مو طيب حرام والله انا امي تدرس الابتدائي صراحة احلى سنة هذي لو كان تربيتهم من البداية صح راح يطلعوا ويسيروا في المستقبل تمام مرة نورة : والله كلامك حلو ومهم ندى : احم احم ههههههه نورة : ههههههههههه ندى : خليكي زي اختك نورة : اختي ! ندى : يب ما اسير انا زي اختك ؟ ولا صديقتك كويس نورة : يب كفاية عندي اخت كبيرة خليكي صديقتي ندى : ههههههه طيب براحتك ندى كانت طيبة مرة واجتماعية تحب تصاحب الناس وتصداقهم وتنحب من اول مرة في الليل جو البنات يزوروها وجات ام ندى شهد : هااااي بنات كيفكم البنات : تمام شهد : سلامتك يا سوسو ان شاء الله تقومي بالسلامة اسراء : الله يسلمك اينو : والله المدرسة من دونكم ولا حاجة ندى : ههههههه ليش ما حليتي واجب ومالقيتيني عشان تنقلي مني ايمان : ههههههه ومين قال اصلا حليت من البيت قلت مافي ندى انقل منها ندى : شااطرة بنتي وجلسوا نص ساعة وبعدين خرجو ام ندى : ندى حبيبتي في حاجة ناقصتك ولا شي ترا البيت من دونك مو حلو ندى : تسلمي يا امي الله يعطيكي العافية كل شي موجود ام ندى : اوك بكرة كمان زي هذا الوقت ان شاء الله راح اكون عندك اذا تبغي حاجة قوليلي ندى : حاضر : ) وخرجو من عندها وشوية جا ابوها ومعاها اخواتها واخوانها ندى جات تخرج عشان يجلسوا براحتهم اسراء : على وين يا ندو ندى : لا بس انزل اتمشى شوي تحت اسراء : اوك لا تتاخري ونزلت ندى بس عشان ما تبغى تتالم لمن تشوف اسراء مع ابوها وهم يمزحو ويضحكوا كانت حساسة مرة من كل حاجة عشان كذا خرجت نزلت لتحت وجلست في الحديقة حقت المستشفى وقبل كذا راحت للبقالة اشترت عصير سفن وجالسة تشربه وكان الجو دافئ وحلو شوي جا رجال واقف قدامها رجال كبير بس مو مرة يعني يجي عمره في الاربعين وواقف يطالع فيها قدامها على طول هي ارتبكت وماهي عارفة تقول شي ووقفت على طول هو سالها : تدرسي انتي ؟ ندى لا شعوريا هرجت وهي مستغربة : ايوه في المدرسة السادسة ومشي الرجال ندى : بسم الله هذا اشبه أيش يبغى هذا وانا ايش الغباء هذا ليش هرجت وقلت له استغفر الله استغفر الله شوي نزل ابو اسراء ومعاه نورة والباقين نورة : ندو اسراء تستناكي فوق لا اوصيكي خلي بالك عليها ندى : لا تووصي حريص وابتسمت سلموا على بعض ومشي كل واحد في طريقة ونورة تقول في نفسها : يا حليلك يا سرو عندك صاحبة عسل انا من جلسة وحده حبيتها كيف انتي يارب تكونو سوا وما تتفرقوا .. طلعت ندى لعندى اسراء ولمن ركبت المصعد ماكان معاها احد وشوي يدخل ولد معاها ولد لاهو طويل ولا قصير ونحيف وشعره ناعم واسمر وحلو مرة سنة اولى جامعة ندى ما اعطته أي اهتام ولا طالعت فيه وكانت غرفة ندى في الدور الثالث وهو طالع للدور الثالث هو ما نزل عينه منها وهي مرتبكة ومطنشة في نفس الوقت في الدور الثاني وقف المصعد فجاة ندى حاولت تمسك نفسها وشوي تنظفي الانواار وندى كانت مرررررة تخااف لمن الانوار تكون مطفاية طبعا المصعد علق عليهم ووالولد اللي كان معاها عادي مرة ندى : بسم الله الرحمن الرحيم ايش في ايش سار اشبه علق الولد : وايش دراني ندى تدق الباب بس مافي احد وراه الولد باردة اعصابه وقليل ادب شوي الولد : استني شوي يشوفو المصعد ندى جلست على الارض وجسمها يرعش وشوي تبكي : خاايفة خاايفة الولد : ههههههههههههههه خايفة من شو يا بيبي ندى : اسكت احسن لك الولد : طيب طيب ندى ترتعش زيادة وخايفة وكمان حر سارت تعرق الولد : الاسم الكريم .؟ مافي رد من ندى الولد : طيب العمر السن طيب جاية هنا ليش سلامات مين تعبان وسار يهرج ويهرج ندى عصبت : ياخي انت ايش تبي اسكت بس الولد : ماني ساكت عندك مانع وليش ما تردي علي ؟ طيب انتي تخافي ليش تخافي مافي شي يخوف تخافي من الظلام ولا من الحر ولا من ايش ماني فاهم اقولك ايش رايك تبكي واجيب لك رضاعة هههههه ندى ماهي قادرة تمسك نفسها : خلاااااااااااااااااااص اسسكت الولد : سووري سوري خلاص راح اسكت انتي مدلعة مررررة خمس دقايق وهدات ندى شوي وقامت خرجت جوالها تبغى تدق على أي احد يساعدها وجات تفتح جوالها مافي بطارية ندى : يووو مو وقته الولد : ايش في ندى : عندك جوال .؟ الولد : لا ندى : حر حر وفكت وجهها طبعا ظلمه حسبت ماراح يشوفها ندى : مافي احد هنا يجي يااناااس الولد : اصبري شوي ماراح يسير لك شي انا معاكي ياعسل ندى طالعت فيه : اقلب وجهك بلا هرج فاضي الولد : ههههه سوري , ايش رايك نسوي حاجة تنسينا الوقت ندى تبغى أي حل : ايييييش الولد : قولي ايش عاجبك فيني واقول ايش عاجبني فيكي ندى : يوووووووه منك اسكت احسن لك الولد : يعني ما تبغي تنسي الوقت ندى : لا لا لا لا لااسسكت انت توووترني الولد : خخخ طيب اممممم وجلس ساكت لعشر دقايق وندى طفشت وزاد خوفها ندى : اشبك ساااكت اهرج الولد : ههههههههههههه سبحان الله على العموم انا طفشت مرة عندي جوال تبغي تدقي على احد ؟ ندى مفجوعة : عندك وليش ما هرجت حسبي الله عليك الولد : معليش يا حلوه بس الجلسة معاكي حلوه ندى : الله يكافيك هات الجوال ونتشته منه بس ندى : ياربي ماني فاكره ولا رقم في بالي استغفر الله العظيم الولد : ايش فيك ندى : ولا شي دق انت اخذ الجوال ووجه كله ضحك ودق على واحد من أصحابه وكلمه وهو راح يكلم الامن وفي دقايق انفتح باب المصعد اول ما انفتح الباب ندى سكت عينها عشان ظلمة وبعدين نور فعور عينها وهنا الولد جالس يطالع في وجهها ويتاملها وبعدين على طول غطت وجهها ومشيت وراحت لعند اسراء الولد : ههههه خلاص خرجنا ارتحتي مشيت ندى ولا كلمته والولد ذا قابل صاحبه محمد محمد : او محد قدك تعلق في مصعد مع بنوتة قمر الولد : هههههههه جابت لي المرض خوافة ودلوووعة يااي ههههههههه وجالس يتريق محمد : طيب ليش ما اخذت رقمها غريبة يعني اول ما تقبل مزه تاخذ رقمها الولد : والله مدري بس كذا جاني شعور وما رضيت ارقمها مدرري ليش محمد : اممم غريبة والله الولد : يمكن حبيتها محمد : هههههههههه ياشيخ كم وحده تعرفها وكم وحده قلتلها احبك الولد : مدري والله انا كل اللي اعرفهم ما احبهم بس لعب فاهم يعني وما حبيت العب على هذي البنت محمد : خخخخ طييب يا باشا امشي وندى راحت لاسراء اسراء : فينك يا دوووبا خفت عليك يلك ربع ساعة ندى : لو تدري ايش سار لي وجلست تحكيها على اللي سار اسراء : هههههههههههههههههههههههههههههههه ندى : تضحكي على ايش اسراء : معلييش منجد ما يستحي بس انتي منجد تضحكي احد يسوي كذا ندى : ايش اسوي من صغري وانا اخاف من الاماكن الظلمة منتي عارف*ني اسراء : عارفة بس موقف زي ذا لازم تكوني جامدة شوي ندى : اسكتي بس , اوك ايش تبغي شي يسليكي التلفزيون ولا مجلات وكتب اسراء : ولا شي خلينا نسولف سوا ولا انتي تعبانة وتبغي تنامي ندى : لا طبعا ماني تعبانة ولا حاجة خليني اهرج معاك احسن اسراء : امم كيف يوم السبت من دوني ندى : عاد انتي اول مرة تغيبي من بداية الدراسة والله مو حلوه ومكانك جمبي فاضي ومحد جلس اسراء : اها والابلات سالو عني ندى : يهمك مرة اسراء : هههههه ايوة ابلة الكيمياء ماقالت شي ندى : الا قالت غريبة فين اسراء اسراء : يااي احب الابلة هذي ندى : هههههههه منجد هي طيبة وتنحب اسراء : اممم ندى تتوقعي تستمر صداقتنا ولا لا

Free reading for new users

Scan code to download app

App Store Google Play

Facebookexpand_more