1-1

2539 Words

انس : وليييد الحقني وليد : انس اشفيك شوف الساعة كم ندى صحيت من صوته وليد : نهى اشبها اها طيب ياانس وديها بسيارتك وعلى قسم الطوااارئ انا دحيين اكون عندك مع ندى انتبي بشويش سلام ندى مفجوعة : وليد ايش في وليد قام بسرعة وجالس يغير في ملابسه ندى بخوف : وليييد ايش في مين ذا فين راايح وليد : يا بنت الحلااااال هديي ندى : اهدي كيف قوول ايش سار وليد : ماسار اللا خيير هذي نهى تعبانة شوي وبيوديها المستشفى وانس مو عارف كيف يتصرف ندى قااامت مرعوبة : نهى اختي اشبها ايش ساار وليد : قووومي البسي بسرعة خلينا نروووح لهم ندى : حاااضر حااضر وقامت بسرعة لبست أي شي وراحت معا وليد للسيارة وانطلقوو للمستشفى . . ~~~~ اليوم الثاني في العصر فاقت وحست انها داايخة وتعبانة طالعت في يدها شافت ابره المحلول وفي اسلاك القلب والضغط لفت يمين شمال شافت انس جالس وشكله تعباان ومانام نهى بصوت كله تعب والم : انسس انس انس قام مفجوع والدمعة على عينه : نهى قمتي الحمد لله ورااح ضمها بقووة نهى : ايش ساار انا فييين انس : امس تعبتي ووديتك في المستشفى نهى : كل اللي اتذكره انك كنت تصرخ علي وتقولي قوومي وكمان افترك حوليني نااس لابسين ابيض < قصدها الدكاترة والممرضات وماشين بيا وافتكرك كنت ماشي معاهم ووجهك مخطووف وتنادي باسمي انس : ايوة هذا امس سار وحكاها باااقي التفاصييل نهى : طيب الدكتور ايش قاال ايش فيني انس برتياح : الحمد لله يا نهى مافيكي الا كل خيير انتي شكلك زعلتي او انصدمتي فعشان كذا قلبك عورك نهى رخت راسها افتكرت عصبية انس عليها وقبل كذا افتكرت كيف كانت لمن كان في ريان بس استحملت وطنشت وجا انس زاد الطين بله انس : نهى نههى نهى : ها نعم انس : انا اسسف كل هذا بسببي نهى ما ردت عليه ورخت راسها : انس انا تعبانة ممكن ارييح وانسدحت على السرير واعطته ظهره انس راخي راسه وناادم على اللي سواه فجاة دخل زااائر لنهى وباين في عيونه قلق وخوف وعصبية وششر نهى دارت وجهها : عمممر !! عمر جا لعندها وضمها : نهى الحمد لله انك طيبة والله كنت خاايف عليكي نهى : الحمد لله وطالع في انس اعطاه نظره يعني حسابك بعدين ونهى انتبهت لنظرته وخافت يسوي شي لانه انس قال للكل عن اللي سار بالتفصيل بعد شووي دخلت ندى ومعاها وليد ندى جات وهي تبكي : نهى انتي طييبة نهى :الحمد لله ندى : فجعتيني يا توأميي وليد : الحمد لله على سلامتك نهى : الله يسلمك دقايق والغرفة اتملت ام نهى ورؤى وشوي جات اسراء ونورة وايمان وشهد وعمار وعمر انس حس نفسه مكانه غلط فسلم على نهى وخرج ونهى ما حبت تكشمه قدام الكل فسلمت عليه ونفس الشي لكل الرجال وليد وعمر وعمار سحبو نفسهم وخرجو بعد ما تملت الغرفة حريييم وراحو لعند الاستراحة انس اشترى موية وجالس يششرب ويبل ريقه وما شااف غير عمر والشرر يتطاير من عينه وعمار ووليد جالسين يحاولو يهدوه عمر : انت يا ايش اقول عنك ممكن اعرف سبب ض*بك لها على فكرة لو كان سار لها أي شي كان ما رحمتك احمد ربك بس انس قام : لو سمحت لا تدخل انا رجالها ما كمل كلمته الا جا كف من عمر عمر : انت رجالها ههه انا اخوها يا حبيبي واعرفها قبل لا تعرفك واصلا انا غلطان عشان وثقت في واحد زيك واعطيته اختي انت مو قد الثقه وما تستااهلها عشان سبب سخيف بينك وبين أي شخص تسوي فيها كذا وهيا كمان تبغى تسااعدك يعني ما ازعجتك وليد مسك عمر : عمر خلاص هدي عمار : اعصابك يحنا في مستشفى التفاهم بعدين انس جلس في مكانه ويده على خده محل الكف ويفكر في كلام عمر وهو مصدووم عمر جلس يعد في نفسه من واحد لعشره عشان يهدي شوي وجلس على كرسي بعيد عن اناس بس نظراته عليه كلها حقد وغضضب عمار ووليد جلسو وحسو انو عمر ما خلى له شي وانهم ما يحتااج يتكلمو بعد اللي سواه عمر انس : عن اذنكم قام من مكانه وخرج بسيارته وماهو عارف فين يروح والدموع في عينه حس انه خان ثقت عمر فيه بعد ما كان اعز اصحااابه ونهى المسكينة اللي دايم يحبها ويخاف عليها دحين هو السبب في تعبها .. بعد ما انتهى موعد الزيارة خرج الكل ونهى سالت عن انس بس عمر قالها انه خرج وهو مشغول وما حب يزعجها ولا يزعلها نهى : يعني مين حيرافق عندي اليوم عمر : هوا ماافي غيره كلنا هنا عشاانك نهى : بس عمر : بدوون بس انا يا حبيبتي رااح اكون معاااك ايش راايك نهى : والجاامعة عمر : ما عليكي عندي اوف ام نهى : يا بنتي خليني انا اجلس معاك نهى : لا تسلمي يا امي ما ابغى اتعبك معاي عمر في وبعدين كله يوم وراح ارجع البيت ان شاء الله ام نهى : والله قلبي معاااك يا عمرري نهى : شكررن يا قلبي ندى : نهى حبيبتي تبغي أي شي كلميني وبكرة ان شاء الله من الصباح راح امرك قبل لا اروح لقسمي وشغلي نهى : شششششكرن الكل : سلاام نهى : باااي خرجو كلهم وباقي عمر ونهى عمر في البداية كان يتكلم معاها عن مواضيع عااادية وشوي فكر يتكلم في موضوع انس بس من اول ما بدا كلام عنه نهى انزعجت : عمر لو سمحت اجل الكلام والموضوع هذا مو ناقصني عمر اول مرة يشوفها زعلانة ومضايقة كذا : حااضر يا قلبي ولا يهمك نهى : طفششششت عمر : حااولي تناامي طييب نهى : اوكـ غمضت عينها حاولت تنام بس كانت تفتكر انس واللي سار فما قدرت تنام وعمر انسدح على الكنبة اللي تنقلب زي السرير وحاول ينااام وفي قمة الهدووء والغرفة مافيها أي صوت غير صوت المكييف دخلت بنت من الباب وهي تتنفس بقووة وشكلها كانت بتمشي بسرعة ولا مفجووعة نورة : وااااااي الحمد لله وصصلت بالقووة قدرت اجي نهى عااارفة انك طفشااانة فقلت اجي اسليييييكي نهى وعمر قامو وماكانو نايمين اصلا نهى : نووووووورة حبيبت قلبي والله حسيتي بيييا كنت مرة طفشااانة نورة ما انتبهت لعمر مرة : الا قوليلي يا نهى مين مرافق معااك فين النذلة ندى ولا أنس عمر من وارها : احم احم نورة انفجعت لمن سمعت صووت ولد ودارت وجهها وقلب الوااااااااااان : عمر نهى ماهي قاادرة تسكت من الضحك على شكل نورة نورة : سووووووووووووووووري خذي يا نهى واعطتها كيس فيه قمبريات وحلويات وسندوشتات نورة : اكيد انك جيعااانة يلاسلااام ابغى اسلم عليكي بس << تتكلم وهي مرتبكة مرررررة وعلى الاخر من عمر نهى : ههههههههههههه تعاااالي هنا يا خبلله عمر : احم خلاص يا نهى لمن تخلصي دقيا عليا انا بانزل اشم هوا نورة : لا والله ما تروح تعال هنا عمر طالع فيها ومتفاجئ من كلامها وهوا نفسه يضحك من قلبه وما قدر يمسك نفسه : هههههههههههههههههه بالله عليكي . . خلاص يا نهى باااي وخرج من الغرفة بعد ما حست نورة انها تكششمت على الاخر ونهى مازالت تضحك نورة : وججع يا بت خلااص منتي شااايفة كيف سسرت شووربة نهى : احسسسن احد يجي في زي هذا الوقت من جد فااااااااضية نورة : هذا جزاااتي جيت اسليكي نهى : هههههههههه امزح والله الكل وراه اشغاال الحمد لله انك جيتي انا ما اطيق شي اسمه مستشفى .. وكملو جلستهم ونهى اتسلت مررة معاها اما عمر فلمن خرج من غرفة نهى ركب المصعد ونزل لتحت الحديقة والكافتيريا يغير جووو وحااسس انه راايق ومبسووط عشاان نورة جلس على كرسي من الكراسي وسرح باااله في حال نهى : اممم دحين ايش اقدر اسوي لها لازم ابين لانس انو اختي مو أي وحده بس برضو انس صاحبي وعزيز عليا وما كنت افكر اني اخا**ه كذا ولا اض*به خرجت مني عفويا ومع غضبيي دحين مافي احد مسؤول غيري ابوي مساافر لشغله وانا لازم اتصرف بحكمة انا دحين راح اخذ نهى لبيتنا واخليها كم يووم واشوف انس كيف هذا التصررف الصح .. بعد ربع ساعة تقريبا نزلت نوورة وانتبه انها جايه له نورة : امم عمر نهى تستناك فووق سووري عشان نزلتك عمر : لا عاادي وشكرررا عشان خليتي نهى يتغير مزاجها وتنبسط نورة : عفوا وابتسمت له ومششيت عمر في نفسه : والله احببببك .. ثاني يوم وقت خروج نهى من المستشفى عمر : رااح تنووري البيت نهى : يسلمو بس انا راح اروح لبيتي يا حبيبي ماني تعبااانة وحااسه بنشاااط زاايد عمر : لا يا نهى حترجعي لبيتنا نهى : وليش وانس عمر : انتي لسى تفكري فيه خليه يتعلم كيف يعاملك وبعدين يجي لك نهى : حراام عليك كفااية امس ما شفته غير شوية عمر : وايش تبغي منه نهى : عمر مع احترااامي لك بس هذا زوجي وبيتي وماراح اسيبهم عمر : لا يا نهى اصلا لا امي ولا ابوي راضين على اللي سواه ولا انا نفسي عشان كذا خليه يتعلم احسن نهى ما جادلته بس كانت زعلانة ورجعت معاه للبيت واول ما دخلت سارة كانت تستناها بشووق دخلت عليها وضمتها بقوووووة وجلست تبكي في حضنها عمر شافها فراح لغرفته وقفل الباب وانسدح على سريره يبغى يسترخي اما عمار فكان في غرفته وندى في بيتها بعد ما رجعت من العمل ورؤى تجهز الغذا لهم سارة ام نهى : نهى حبيبتي اشبك نهى وهي تبكي : امي شووفي عممر نهى فهمت الموضوع بعد ماقالت عمر فاخذتها في غرفتها وحاولت تهدي فيها ام نهى : والله يا حبيبتي هذا كله عشان مصلحتك صدقيني نهى : مو من حقه يمنعني اشوووف انسس ام نهى : وانس سمو من حقه يسوي فيكي كذا نهى كششرت ووقفت بكاء ام نهى : نهى صدقيني عمر يدري انك تحبيه وانه يحبك بس يبغا يحسسه انه اللي سواه مو قليل انتي عندك عادي يسوي فيكي كذا نهى : لا ام نهى : خلاص ادري انه يمكن ما يقصد بس برضوو نهى : يعني ايش اسوووي انا ام نهى : انتي هدي شووية ولا تحرقي اعصاابك مرة وبعدين نشوف عمر ايش يبغى يسووي نهى : بس عشاااانك يا امي مو عشاان أي احد ام نهى ضمتها لها وباستها : يلا قومي يا قلبي ريحي واتغذي معانا وبعدين يسير خير نهى : ان شاء الله .. وجلست اليوم كله مع اهلها وثاني يوم مرت عليها ندى في الصبح تسسلم عليها وتطمن عليها نهى : هلا ندووو كيفك ندى : الحمد لله وانتي اخبارك دحين ان شاء الله احسسن نهى : يب احسسن الحمد لله بس زعلاااانة مرة من عمر ندى رجعت من عملها وهي تعباانة وليد : كيف الشغل معاااكي ندى : الحمد لله ماشي حااله وليد : وكيف نهى مريتي عليها ندى : يب مريت عليها في الصصباح والحمد لله خرجت دحين , بكرة كمان راح امر عليها في بيتنا وليد : ندوو حبيبتي ابغى اقولك موضوع ندى : هلا تفضل وليد : انا ممكن اسافر بكرة ندى : تتسااااافر !! فين وليد : بساافر عشان الشغل برووح للكوويت ندى : اها يعني كم يوووم وليد : احتمال اسبووع ان شاء الله مو اكثررر ندى : لازم السسفر والله خاايفه عليك وليد بهم : انا اكثرر والله وما ابغى اسيبك يوم ندى : يعني ماراح اسافر معاااك وليد اشر برااسه لا ندى : اهممم حاولت تشيل الهم اللي فيه : يووووووو ولييدوه ليش مكششر وليد : خااايف عليكي ندى : وليييش ماراح يجيني وحشش وبعدين فللله باجلس كم يووم عند امي وابووي ورؤى خلاص لا تششيل هم وليد : يعني منتي زعلانة ندى : وليش ازعل بالع** فلله وليد : الحمد لله خفتك تززعلي ندى تغير الموضوع : يلا قوووم ترااني جيعااانة مررة وليد : اوووكــي ندى شايلة وهم وخاايفه عليه وفجأة تذكرت كلام اسراء والبناات يوم قاالو عجلي لا يتزووج عليكي على طووول : اعوووذ بالله فاال الله ولا فااالكم وليد : وي ندى اششبكك سلاماات ندى تضحك على نفسها : ههههههه لا ولا ششي وليد : اووك ندووو حبيبتي جهززي نفسسك بكرة في الصباح بعد عملك ابغى ارجعك على بيت عمتي ندى : بكرررة !! وليد بحزن : ايووة رحلتي بعد المغرب ندى تن*دت : طييب وليد جا عندها وضمها بحناااااان : ندووو حبيبتي لا تزعلي طيب ندى : ماني زعلانة لا تخااااف .. اوكـ خليني اقوم اجهز ملابسي واشياءك وليد : اووك شششكرن ندى : عفوا وقامت جهزت اشياءها وحطتها في شنطتها وثاني يوم وصلها للعمل وهو رااح لعمله وهي في المستشفى كان باين عليها انها زعلانة هدير : ندوو اشبك زعلانة ندى : ها لا اني زعلانة ولا شي لبنا : لا يكوون سار لك شي ندى : وي يا بناات مافي شي يارا : ندى شي بينك وبين وليد لا تقوولي تزاعلتم ندى : بعيييييييييد الششر ان شاء الله لا بس راح يسسافر كم يوم لشغله هدير : اهاااا طيب لا تزعلي ندى : ان شاء الله لبنا : ترا عاادي مااراح يطول ان شاء الله وانتي خذيها من ناحية انك ترجعي لمامتك كم يوم وتنبسطي ندى : ي بانا قلت زي كذا يارا : وراح تمشي الايام ان شاء الله وما تحسسي بيييها ندى : شكرررا يا بناات ما انحرممش منكم ان شاااء الله .. بعد ما خلصت دوامها جا وليد اخذها ووداها على بيت اهلها وهما عند الباب ندى : انتبه على نفسسك وليد : ان شاااء الله وانتي كمااان راح اتصل عليكي وقت ماافضى بليز لا اتصل وما تردي عليا وتخليني اجلس قلقااااان عليكي ندى : لا تخاااف راح احط الجووال جمبي على طوول وليد : رااح تووحشيييييييييييييني ندى : وانت كماااااان وليد حس انه ماراح يشوفها ثاني او انه راح يسير لها شي وماهو عارف ايش الشعوور ذا وسرح وهو يفكر ندى : وليدوووه سرحت فيين وليد : ولا ششي يلا قلبووو مع السسلامة وسلمي على عمتتي وعمي والشباب ندى : ان شااااء الله مع السسلامة وفكت الباب وخرجت وهو اشر لها بيده مع السلامة واستنى لمن دخلت البيت ومشي على المطاار ندى دخلت البيت لمن فتح لها عمر عمر : ندووو غريبة لي شجيتي ندى : وي ما تبغاااني عمر : ههههه الا بس وليد فيين ندى : ماجا معايا عمر : وليييش واش الشنط اللي في يدك < وحس بقلق انو سار شي ندى : وي يا عممر لا تفهم غلط مفهوووم عمر : ما فهمت غلط ندى : ههههههههه امزح معاك المهم امي فييين عمر : في غرفت نهى ندى : اوك انا راايحة عمر : ندى تعااااااالي وقوولي ايش سااير ندى : اممم وليد راح يساافر حق اسبوع ويرجع لا تخااف سففر للعمل عمر : اها قوولي كذا ندى : يلا انا رااايحة راحت بسسرعة على غرفة نهى ندى : السسسسسسسلام علييكم سارة ما تدريي انها جاية ولا نهى : وعليكم السلام هلااااا ندوو ندى راحت سلمت على امها وعلى نهى ندى : كيفكم شخبااركم نهى : تمااام الحمد لله والله نوور البيييت ندى : منوور بوجوودك ام نهى : ما تووقعت تجي ندى بوجه حزين : حتى انتي ما تبغيني اجي سارة : واااااي لا والله بس وليييد فيينه ندى : وليييد سااااااااااااااافر للشغل نهى : منجد متى ولمتى وفين ندى : على مهلك يا نهى رحلته بعد شووي ويمكن يقعد اسبوووع بالكثيير وفي الكوويت ام ندى : يرووح ويرجع بالسلامة بس الله يهديه ماقال لنا ندى : ايوة هوا ما دري غير امس وكان مرررة مشغوول معليش يا حبيبتي ام ندى : لا عااادي ندى : اووك ماما فين بابا وفين عمار ورؤى ام ندى : ابووك في غرفته ناايم ورؤى راحت لاهلها ومعاها تمااارة وعمار تلاقيه في غرفته يذااكر يمكن ندى : ليش كل واحد في جهة غريييبة ام ندى : هذا اللي يسير كل يووووم ندى : طيب يا ماما انا باروح اشوف عمار واسلم عليه نهى : ندو نبغى نخرج بكرة السووق طيب تجي ندى : استني يا نهى انا ابغى اكلمك بعديييين نهى : اووك راحت لغرفة عماار دقت الباب وسمعت صوته وهو يضحك وشكله مبسووط ويتكلم مع احد على بالها احد في الغرفة فدخلت بهدوووء تبغى تفجعه بس لقته يتكلم بجواله استنته الين خلص وهي تسمعه سمعته يقووول : ايووة يا رنااا الحمد لله كيف الدراسة معاك لا عادي الحمد لله حقك وحق اخوانك وامك ما اتاكل يووصل يلا سلاااام ورخى السماعة ورخى راسه وهو جالس فوق الكرسي رجعه على ورا وتن*د بفرح

Free reading for new users

Scan code to download app

App Store Google Play

Facebookexpand_more