4

2391 Words

ندى : مدري حاستك اليومين ذي متغيرة ايش فيكي شهد : انا ؟ لا مافيني شي ندى : علي يا شهود اعرفك ماشاء الله تخلصي مذاكرة بدري مو بعد العشاء تمسكي الكتاب شهد : ايوة اليوم كنت مشغولة شوي ندى : مشغولة في ايش مو من عادتك شهد : اممم اكلمك بعدين يا ندو ندى : اوك نتقابل بكرة ان شاء الله ثاني يوم ندى راحت لشهد في الفسحة وجالسة تكلمها وماكان في احد معاها من البنات شهد : ندى مافي شي ندى : اتحدى هيا اهرجي شهد : والله ما ابغى ازعجك باللي عندي ندى : مافي ازعاج ابد مو انا صحبتك والصحبات دايم يحلوا مشاكل بعض اسراء : ايوة صح ايمان : كلنا صحباتك ندى تطالع فيهم : ياربي ملقفة ما تبطلوها اسراء : ندو احترمي نفسك مو ملقفة ايمان : ايوة مو ملقفة هذي محبة اخوية ندى : هههههههههه طيب يا محبة انتي , شهد تبغيهم ولا لا انتي امري بس شهد : والله امممم اسراء : لا كمان تفكر ايمان : يا سلام اقول كلنا سوا معاكي قولي اللي عندك اسراء : ستجدي الحل عندنا شهد : يوو بناات ما ابغى ازعـ اسراء : يو مافي ازعاااااااااااااااااج ايمان : اهرجي بسرعة محنا متحركين من هنا الين تقولي ايش مزعلك اسراء : ايوة ترا يحنا نحس فيكي مو بس ندى اللي تعرف وتحس ندى : احم احم تغاروا مني ايمان : اووش بس لا يكثر شهد : خلاص خلاص لا تتضاربوا ندى : هي قولي شهد : اوك ’ ابوي له مشاكل مع امي كثيرة وقبل شهر تزوج وحده ثانية ومسكنها الدور الاسفل ندى : والمشكلة ؟ شهد : المشكلة انو معد سار يجينا كثير طول وقته معاها وبعدين هي ترفع الضغط ندى : ما نبغى نهرج عن بنت الناس اسراء : منجد بس قولي المشكلة ويحنا نحلها شهد : شكله يحبها اكثر من امي ندى : شهد نفس اللي يعطيها بيعطيكم ؟ شهد : ايوة كل شي نفسه بس ماسار يجينا كثير حتى اني ما القى وقت اجلس معاه بس وقت العشاء وبعدين يروح ينام عندها اسراء : اهمممم انتي مضايقة من ايش انه يجلس معاها كثير ولا عشان المشاكل اللي بينه وبين امك شهد : اممم صراحة امي عاقلة وما تحط عقلها بعقل وحده زيها بس المشكلة في ابوي ما سار يجلس معانا كل اخواني مضايقين من هذا الشي ندى : طيب حاولتي تكلميه شهد : اكلمه ليش وايش اقوله اذا كانت امي ما قالت شي ليش اتكلم انا ايمان : انتي اكبر اخوانك ولازم تكون لك كلمة شهد : لا مقدر مافي مجال تفاهم مع ابوي اسراء : ليش هو مو بشر ونتفاهم معاه شهد : بس هو عصبي مرة اسراء : شهد اقولك على حاجة انا ابوي كان اسوا من كذا برضو تزوج وحده ثانية ونفس مشكلتك وكمان كان عصبي بشكل ما تتوقعيه ايمان : وايش سويتي اسراء : كنت اقول زيكم مستحيل اتكلم واتفاهم معاه هو الواحد ما يتفاهم معاه بس بعدين ندى كلمتني وقالت لي كل انسان مهما كان عصبي نقدر نتفاهم معاه وانا رحت له وجالسة اتكلم معاه وشوفيه دحين زي الفل معايا وكمان مع حرمته الثانية شهد : منجد تصدقي اول مرة ادري اسراء : يب محد يدري غير ندى هذا من ايام المتوسط ايمان : اها عندنا هنا حليلة مشاكل ندى هههههههه اسراء وشهد : ههههههههههه ندى : ......... اسراء : ندى اشبك ندى كانت مسرحة : ها ولا شي هههههه ايمان : اشبك قلبتي لا تكوني زعلتي من حاجة ندى : لا ابدا مافي شي يزعل - وحاولت تغير الموضوع – المهم يا شهد روحي كلميه واتفاهمي معاه والله راح تستفيدي اسمعي كلامي اسراء : وكلام مجرب شهد : ان شااء الله ايمان : أي خدمة ثانية ؟ شهد : ههههه لا والله تسملو كلكم ما قصرتم أي مشكلة ثانية راح استشيركم تررن دق الجرس ندى وقتها لمن كانوا يهرجوا كانت مسرحة كان نفسها يسير معاها حاجة زي كذا وتروح تتفاهم مع ابوها وتكلمه بس للاسف ابوها من يوم عمرها سنة ماشافته ولا حست بحنانه ولا شي لمن رجعت شهد من المدرسة استنت ابوها يجي من العمل كان يرجع العصر ويجلس عند حرمته الثانية وفي الليل يطلع يتعشى معاهم لمن جا العصر نزلت شهد لتحت تستنى ابوها يرجع ولمن رجع اتفاجا لانه شافها تحت ابو شهد : شهد شهد : هلا ممكن اتكلم معاك شوي ابو شهد : ما تقدري تخلي الموضوع لليل شهد : امممم لا ابغاك دحين ابو شهد طالع في حرمته وابتسمت له يعني عادي روح راح ابو شهد مع شهد لغرفتها وجلست تهرج معاه ابو شهد : خير سار شي يا بنتي شهد : اممم ايوة ابو شهد : انتي تعبانة امك تعبانة او اخوانك اشبك في حاجة محتاجتها شهد : محد تعبان الحمد لله بس محتاجة لحاجة بقوة ابو شهد : اطلبي وامري كل شي راح اجيبه لك شهد : ابوي انت ما تحبنا ؟ ابو شهد : مين قال شهد : امم من يوم ما اتزوجتها سرت ما تحبنا ابو شهد : اقول اذا هذا موضوع لا تضيعي وقتي شهد : بابا الموضوع مهم ومافيه تضيع وقت ابو شهد : انتي تفكيرك زي تفكير الصغار ؟ تقولي ما تحبنا ومدري ايش انا اتعب واشقى عشانكم شهد : تتعب بس عشان هذا واجبك ابو شهد : شهد يا تحترمي نفسك يا اطلعي لو سمحتي شهد سوت حركة مفاجئة وراحت ضمته : ابوي انا محتاجة لك محتاجة لحنانك مهما يكن انت ابوي اللي تحبنا ادري انك تتعب عشاننا بس هذا ما يكفي يحنا محتاجين ل كانت محتاجين لحنانك وطيبتك نبغا كزي اول كل يوم تجلس معانا ونتكلم وتخلينا مبسوطين بس من يوم المشاكل ومن يوم ما اتزوجت انت تغيرت وبدت دموعها تنزل : حس بينا ترا والله احبك وما ابغى اخسرك سامحني اذا يوم زعلتك بس منجد محتاجينك ابو شهد حن قلبه : كل هذا في قلبك وما تقوليه شهد : كنت خايفة خايفة ازعلك ولا تعصب علي لاني ما ابغى اخسرك وفي نفس الوقت ابغاك انت ابو شهد مسح دموع شهد : سامحيني يا شهد من اليوم راح اتغير راح ارجع زي زمان واعرفي انو المشاكل اللي بتسير ما راح من بعد اليوم تغيرني عليكم ... ورجع زي ما كان وسار يتغذى ويتعشى معاهم ومع حرمته وعاشوا بعدها مبسوووطين وراحت شهد تتشكر لصحباتها : والله من دونكم معرف ايش كنت راح اسوي ندى : أي مشكلة تواجهك مرة ثانية افتكري انو عندك صحبات يحبوك ويبغوا لك الخير شهد : ان شاء الله ^_^ ندى كانت تخفي المها في داخلها وما تبينه لاحد حتى دموعها ماكانت تحب احد يشوفها ... يوم الاحد اخر يوم كان عليهم انجليزي وندى مرة ما تحب المادة هذي فراحت لبيت شهد تذاكر معاها شهد : هلا ندو منورة البيت ندى : النور نورك حتاتو وام ندى قالت لها الساعة 10 ونص السواق راح يكون عندك فلا تتاخري فجلست تذاكر مع شهد وخلصوا الساعة 10 وباقي نص ساعة جلسوا يتسلوا فيها . شهد جابت الاب حقها وندى جابت حقها وجالسين عليه شهد : واخيرا خلصنا اختبارات ندى : منجد شي يطفششش شهد : فين راح تروحو في الاجازة ندى : الله اعلم ما ادري شهد : يحنا يمكن نروح للرياض ندى : اها تروحو وترجعوا بالسلامة ان شاء الله ثاني يوم في الاختبار ندى وشهد جابو الدرجة الكاملة ايمان : بنااات راح تووحشووني كلكم ندى : حتى انا راح توحشوني اسراء : ندى تفضلي ندى : تسسلمي ندى جابت لكل وحده هدية جابت لشهد عطر غالي وريحته حلوه وجابت لايمان سلسة فيها حرفها مرة حلوه ولاسراء جابت لها درع صغير ومكتوب فيه كلام حلو طبها كل وحده اخذت الهدية وفتحتها في البيت واسراء جابت تجرافها وخلت كل وحده تكتب لها ونفس الشي شهد وايمان جابو تجرافاتهم وفي الفسحة جلس الفصل كله تقريبا 30 طالبة وسو دائرة كبييرة وكل وحده جابت حاجة من بيتها حلى وعصيرات وقهوة .. الخ وجلسوا يهرجوا ويضحكوا ويفتكروا مواقف قديمة وودعوا كل وحده راح تنقل من المدرسة وجات الاجازة ومرت الايااااااااااااام وكان بين البنات تواصل بالمسن والتلفون وشهد راحت للرياض فكانت بين فترة وفترة تكلهم وفي يوم من الايام ام ندى قالت لندى : قومي نخرج تراني مرة طفشانة ندى : نخرج فين ام ندى : اممم نخرج نشتري ايش شي ونجلس نشم هوا في الحديقة ندى : اوك بس أي هوا هههههههههه ام ندى : قومي بس اقول ندى : اوك دقايق البس كانت بتخرج مع اسراء وايمان فدقت واعتذرت منهم وهم كمان ماراحو خرجت ندى مع امها مشي وما ركبوا السيارة وراحوا للبقالة اللي جمبهم واشتروا ايس كريم وعصيرات وكملوا مشي وكان باقي يقطعوا السكة ويوصلوا للحديقة بس سيارة مسسسسسرعة صدمتها صدمت ام ندى وندى ما قدرت تسوي شي السيارة صدمتها ومشيت بسرعة وسابتهم وام ندى طايحة في الارض والدم يخرج منها وندى جالسة جمبها تنادي وتكلمها مافي فايدة الناس اتجمعت والسيارات وقفت وناس دقوا على الاسعاف وخمس دقايق جا الاسعاف وندى دموعها تنزل وخايفة مرة على امها وماهي عارفة ايش تسوي بالزبط فاستنت سيارة الاسعاف وبعدين شالوا امها وركبت معاهم وشوي وصلوا للمستشفى ودخلوها للطوارئ وندى خايفة وسارت بس تقول ياارب الطف يارب الطف بعد شوي نقلوها لغرفة بس مو غرفة عادية غرفة في العناية المركزة ندى راحت للدكتور وجالسة تكلمه ندى : دكتور اشبها ايش سار الدكتور : الض*بة كانت قوية وهي في حالة اغماء دحين دعواتك هي بين الحياء والموت ندى : ياربي ومشي الدكتور وندى دخلت على غرفة امها واقفة وتشوف الاجهزة فيها وهي مغمى عليها ندى وهي تبكي : امي امي قومي لا تخليني لا تسيبيني جلست على هذا الحال وبعدين خرجت ودقت على اسراء اسراء ردت عليها وهي مبسوطة ورايقة : هلا والله ندو كيفك شو اخبارك وندى تكلمها وهي ماسكة نفسها ما تبغى تبكي : اسرااء اسراء : ندى اشبك اشبه صوتك ندى : اسراء محتاجة لك ضروري اسراء : ايش فيكي فين انتي ندى : في المستشفى اسراء : ايششش ندى : مو انا امي امي يا اسراء سار لها حادث وهي بين الحياة والموت اسراء : ان لله وانا اليه لراجعون دقايق اكون عندك انتي فين ندى : في مستشفى .......... اسراء : دقايق بس راح اجي مع ايمان ندى : طيب مع السلامة ودقت اسراء على ايمان وكانت ايمان نائمة ايمان : اسراء نعم ايش تبي اسراء : ايننوو قومي بسرعة ايمان : ايش في اسراء : قومي نروح لندى في المستشفى ايمان : ندى !! اششبها اسراء : امها سار لها حادث امشي مو وقت كلام ايمان : اوك مريني اروح معاكي اسراء : جهزي نفسك عشر دقايق واكون عندك وصلت اسراء لبيت ايمان ونزلت لها بسرعة وراحوا للمستشفى ولمن وصلوا هناك راحوا لغرفة ام ندى وكانت ندى جالسة في الكراسي اللي جمب الباب واول ماشافت البنات قامت وراحت لهم وهم شافوها وبعدين اخذو بعض بالاحضان وندى دموعها نازلة اسراء : ندى بلا دلع خلاص ان شاء الله ماسار شي بكرة تشوفيها بخير وزي الحصان ايمان : خلي املك بالله كبير تراها بين رحمت الله ادعيلها ان شاء الله راح يكون معاكي ندى : ياااارب اسراء : دحين ايش قالوا عنها جلسوا كلهم في الكراسي ندى : قالو انها في غيبوبة وما يدروا لمتى تستمر وان شاء الله يطمنوا عليها ويمكن بكرا ينقلوها في غرفة عادية اسراء : اهممم ان شاء الله تشوفيها طيبة , طيب العناية المركزة ما تخلي مرافقين صح ندى : يب ايمان : طيب ترجعي للبيت ولا كيف ندى : اكيد ان شاء الله اسراء : ما تجي عندي تباتي ندى : شكرا يا قلبي بس خليني في البيت ايمان : اوك نوصلك في طريقنا ندى : ياريت ومشكورين اسراء : طيب هي قومي لان موعد الزيارة خلص ودخلت ندى لغرفة امها وقربت منها وباستها على خدها وجالسة تطالع فيها وقلبها م**ور : تقومي بالسلامة يا امي ياريته فيني ولا فيكي ومسحت دموعها وصلحت طرحتها وخرجت لهم ووصلوها على بيتها وكان معاها نسخة مفاتيح فتحت الباب ودخلت واسراء وايمان راحوا على بيوتهم ولمن دخلت بيتها راحت لغرفة امها وجلست عندها وفوق سرير امها وجالسة تبكي وتقول امي لا تخليني لوحدي انا ضايعة من دونك ثاني يوم الجيران كلهم دريوا عنها وشهد دقت عليها و كلمتها وجالسة تدعي لامها وفي العصر خرجت ندى مع جارتهم اللي فوق ام عبد الرحمن وراحت معاهم للمستشفى كان عبد الرحمن يسوق وورا امه وندى وفاطمة الحمد لله نقلوا امها لغرفة عادية لان وضعها سار احسن بس برضو في غيبوبة دخلت ندى للغرفة ومعاها ام عبد الرحمن وفاطمة وراحت ندى لامها وباستها بس لا حياة لمن تنادي كانت في غيبوبة وما تدري عن اللي حوليها ام عبد الرحمن : الله يقومها بالسلامة فاطمة : لا باس طهور ان شاء الله ندى : يعطيكم العافية ما قصرتم ام عبد الرحمن : انتي راح تجلسي معاها يا بنتي ندى : ايوة يا خالة راح اجلس معاها ام عبد الرحمن : اذا احتجتي لحاجة قوليلنا ربي يكون معاكي وشوي دق جوال ام عبد الرحمن وردت عليه كان ولدها خرجت فاطمة له ودقايق بعدين دخلت وفي يدها اكياس كان فيها اكل وعصيرات وبتفور وقهوة جابوها لندى فاطمة : اتفضلي يا ندو ندى : ايش ذا الله يتسر عليكي تعبتي نفسك ام عبد الرحمن : ابدا مافي تعب واجب الجار ندى : الله لا يحرمني منكم ام عبد الرحمن : تامرينا على شي ندى : سلامتكم فاطمة : مع السلامة وخرجوا من الغرفة وشوي دخلت اسراء وامها ونورة وايمان وامها كانوا جاين يزوروها اسراء وايمان : السسسسسسلام عليكم ندى : وعليكم السلام هلا اسراء : ها يا ندى طمنينا كيفها دحين ندى : الحمد لله احسن من امس بس لسى في غيبوبة ايمان : تقوم بالسلامة ادعي لها كثير ندى : والله بادعي لها وامس اصلا ما نمت ولا اكلت اسراء : لا لاتسوي كذا في نفسك هذا الشي ماراح يخليها طيبة ايمان : منجد ما شاء الله اشوف جايبة مؤنة معاكي ندى : ههه هذي من جارتنا الله يعطيها العافية ايمان : اها اسراء : ندى راح تجلسي هنا ؟ ندى : اكيد اسراء : طيب لو احتجتي لاي حاجة قوليلنا نورة : ربنا يشفيها ندى : الله يسمع منك وجلسوا عندها الين خلص وقت الزيارة وبعدين مشيوا وندى جلست عند امها وثاني يوم جو الجيران كلهم بس ام ندى ماقامت برضوا وكل يوم ام عبد الرحمن تجيهم ويجوها اسراء وايمان وبعد ما مر اسبوع ام ندى لا تزال في غيبوبة ذاك اليوم جات ايمان مع اسراء قبل ام عبد الرحمن وجلسوا عند ندى وبعدين ايمان : ندى شكلك تعبانة مرة اسراء : ليش ما تريحي في البيت شوية ندى : لا مقدر اسيب امي لوحدي ايمان : يحنا رح نكون هنا ندى : مشكورين ما تقصروا بس ما اقدر معليش ايمان : طيب خلينا نخرج برا شوية انتي لك كم يوم لا تاكلي ولا تنامي شوفي الكيس مليان اكل ندى : مالي نفس ايمان : اسراء يا عسل اجلسي هنا شوي وانا راح انزل مع ندى للكفتريا راح اخليها تاكل بالقوة اسراء : من عيوني لا اوصيكي عليها الله يقويكي ايمان : خخخخ امشي وخرجوا من هنا ودخلت ام عبد الرحمن مع فاطمة بعدهم بخمس دقايق بس ما انتبهوا لها وجلست مع اسراء وعرفتها على نفسها وقالت لها انو ندى نزلت ترتاح شوي

Free reading for new users

Scan code to download app

App Store Google Play

Facebookexpand_more