لف على صوت سيف يناديه وهو شايل الصينيه وقف بدون مايتكلم
سيف لف لود:روحي
ود هزت براسها ومشت عنهم
سيف:شقال الدكتور عن عمي
سعود تنحنح وهو يحاول يخفي قهره وضيقته: م قال شي
سيف عقد حاجبه:كيف م قال شي !! اجل ليه عمي صار معه كذا فجاه
سعود تافف وهو مو طايقه: اذا يهمك روح اسال الدكتور عن عمك
لف بيمشي بس وقفه سيف: الحين انا شقلت عشان تعصب وتتضايق
سعود لف عليه: مو طايق كلمه منك وخر عني سيف
سيف بصرامه: لحظه لحظه وش انا مسويلك عشان مو طايقني والا نفسيتك ضاربه من هدى وغيرها تحط الحره فيني استح على وجهك ترا اخوك الكبر
سعود بقهر وغبنه والبحة بانت بصوته: والاخو الكبير يطعن اخوه بظهره الاخو الكبير يروح يكلم البنت الي حبها اخوه
سيف تنحنح:مافهمت الي تقصده
سعود بقهر:لا فاهم وفاهم زين بعد ادري انك انت وهدى على علاقه وا
قاطعه سيف بحده: ماني على علاقه معها ولا احبها هي الي ناشبه لي وكم مره حاولت افهم
