Chapter 7

1855 Words

مسكت يد ترف وبهمس:سيف بروح اتمشى شوي مع مياس سيف ببرود: زين بس لاتتاخرون خوذي ترف معك ما اقدر انتبه لها ود وهي متضايقه من برود معها:زين وراحت سيف لف يطالعها لحد ما اختفت تن*د رجع ظهره على وراء وهو يفكر بالي صار بينهم جلس جنبه سعود:شفيك ! سيف لف عليه: شفيني سعود حرك اكتافه: مدري بس مو علي بعضك متضايق سيف بهمس: احس اني خنتها سعود عقد حاجبه بستغراب:خنت مين! ود سيف بلع ريقه: لا نوره(ام ترف) سعود بجده: استغفر ربك المره ميته لها ثلاث سنوات وانت للحين تفكر فيها وتقول خنتها سيف سكر عيونه: وش اسوي كل هالسنوات الي راحت مو قادر اقرب من ود بسببها احسها معي والحين لما صار الي صار مع ود حاس بق*ف من نفسي سعود تن*د: سيف ود زوجتك لا تفكر بالشكل ذا تعوذ من بليس سيف فز ولف عليه:الحين انت تعطيني نصايح شف نفسك تارك ملك الي الكل يتمناها ورايح للبقره ذي سعود احتدت ملامحه: وانت شعرفك ومن قال تارك ملك سيف بسخريه:لا ماشفتك وانت واقف معها وتارك الزين وراك سعود بعصبيه: انت وش تبي وبعدين صاير وقح تتغزل بزوجتي قدامي سيف ضحك بقوه: اووووه تغار عليها وانت تاركها وعيونك علي هدى سعود بلع ريقه وتركه وقام بقهر سيف بصوت عالي:حط عقلك براسك احسن لك حسن جلس عنده:شفيكم شفيه سعود سيف:ولا شي بس غ*ي شوي حسن ابتسم: بزر عنك تصرفني كذا سيف ضحك بخفيف:حشاك بس قوم رح شوف اختك وزوجتي رجعهم الساعه ١٠ حسن بصدمه :وين راحو بالليل سيف:هدي قريب هنا ما ابعدو رح شوفهم حسن وقف ومشى بسرعه وهو يدور عليهم ....................ة سكر الباب وراه شغل النور نزل اغراضه بقوه على الطاوله بلع ريقه وهو يشوفها منسدحه بالسرير همس:ملك نايمه ! ملك بحة:لا سعود مشى وجلس عندها: اجل شفيك مو جالسه معهم ملك بدون نفس:مالي خلق سعود رفع حاجبه: شفيك تتكلمين كذا ملك سكتت وهي تشد المفرش عليها سعود: ليه ماخبرتيني ان خالتي وهدى قاطعته ملك: هذاك دريت يلا اركض لها سعود تن*د وقام: مكان ذا قصدي بس المفروض تخبريني ملك دفنت وجها بالمخده بقوه بقهر وغيره والدموع بطرف عينها فتح عيونه من ض*بت يدها الصغيره على ص*ره ابتسم لما شافها نايمه ويدها عليه مسك يدها ونزلها وعدل نومتها رفع عيونه لود الي نايمه بعمق وراء ترف وقريبه مره منها مد يده وبعد شعرها القصير عن وجها سحب نفسه وهو يتامل تفاضيل وجها بعد دقايق همس: ود يلا اصحي مسح على خدها باصبعه :ود .ود يلا ود فتحت عيونها ومسكت اصبعه الي على خدها بنزعاج:شفيه سيف:مافيه شي بس اصحي الكل صاحي عشان نفطر معهم ود جلست وهي تمسح على عيونها بنوم قامت ودخلت للحمام دقايق وطلعت قربت الكرسي من السرير وبدت تساعد سيف . واقفه قدام المرايه وتعدل فستانها الاسود الي ماسك على جسمها ومطلع انوثتها وشعرها منتثر على ظهرها سحبت عطرها رشت منه نزلته واخذت مكياجها فتح عيونه وجلس وهو يشوفها تحط مكياجها الخفيف شال الغطى عنه وقام للحمام بدون مايتكلم ملك طالعته من المرايه وهو يدخل الحمام تن*دت بحزن: الحين بتنغثين زود امس قدرتي تبعدينه بس اليوم لا دقايق وطلع وهو لاف المنشفه على خصره وينشف ص*ره بالمنشفه الصغيره:صباح الخير ملك بهدوا:صباح النور سعود قرب منها: وين الشنطه الي فيها الملابس ملك وهي تشتت عيونها عنه وبهمس وهي خجلانه من شكله:هناك انابطلع لابوي طلعت بسرعه حتى بدون اجلال فتحت غرفة ابوها ودخلت بسرعه سكرت الباب حطت يدينها على وجها ابتسمت وهي تتذكر شكله وعضلاته وبداخلها: والله تخسين تاخذينه مني ي هدى تنحنحت ومشت لابوها جلست جنبه وصوت هادي:يبه ..يبه حبيبي صار الصبح ترا عقدت حاجبها لما مارد عليها وهي تعرف نوم ابوها خفيف ارفعت صوتها :يبه يبه وقف قلبها بخوف :يبه تسمعني هزته بقوه يبه يبه تجمعت الدموع بعيونها ولا تدري وش تسوي وصرخت بقوه :سعووووود فز بخوف عليها من سمع صوتها طلع يركض بدون جزمات ويلبس تيشيرته دخل عندها بلع ريقه من شافها تبكي وتحاول تصحي ابوها وبنفسه لا يارب لا تاخذه الحين عشانها مشى بسرعه لها حط يده على يده وهو يتحسس نبضه تن*د براحه لما حس بنبضه ملك بدموع: سعود مايرد علي شفيه دخل ابو سيف وبخوف:شفيه سعود سحب يد ملك وقفها معه وبخوف انها تدري بمرض ابوها: مافيه شي يبه خليهم يطلبون دكتور عمي بسرعه ابو سيف طلع بسرعه يدق على الدكتور ملك بحه:بعد بجلس عند ابوي سعود وقف قدامها وبحنيه: عمي مافيه شي الحين يجي الدكتور اكد ضغطه نازل تعالي اطلعي عشان الدكتور يفحصه الحين ملك ببكى: مابي اطلع بجلس عنده مابي اتركه الله يخليك سعود لا يصير له شي ماعندي غيره هو كل شي لي بالدنيا سعود عض شفته لما شاف حسن وخوانه عند الباب حضنها وكنه يخبيها عنهم ولا يسمح لهم سعود وقف قدامها وبحنيه: عمي مافيه شي الحين يجي الدكتور اكد ضغطه نازل تعالي اطلعي عشان الدكتور يفحصه الحين ملك ببكى: مابي اطلع بجلس عنده مابي اتركه الله يخليك سعود لا يصير له شي ماعندي غيره هو كل شي لي بالدنيا سعود عض شفته لما شاف حسن وخوانه عند الباب حضنها وكنه يخبيها عنهم ولا يسمح لهم يطالعونها همس بحنيه: خلاص لاتقولين كذا مافيه الا العافيه لف وبصوت عالي: سعد هات عبايه او شي بسرعه سعد لف وهو مايدري وين يروح ومن وين يجيب عبايتها مياس بسرعه: انا اجيب ودخلت لغرفتها بسرعه سعد وقف يطالعها طلعت ومدها له ارجفت اول ماجت عينها بعينه سحبت يدها بسرعه وارجعت وهي تتمسك بذراع حسن سعد صد ومشى :سعود سعود بعد عنها واخذ العبايه من سعد رجع لملك ولبسها :يلا الحين بيجي الدكتور لازم نطلع ملك ببكى:مابي اطلع خلني عنده دخل الدكتور ومعه ابو سيف الدكتور: اطلعو لوسمحتو سعود سحبها معه بقوه وطلعها وهو حاضنها ابو سيف سكر الباب هدى عقدت حاجبها وعيونها على سعود وكيف ماسك ملك بقوه ويحاول يهديه وغير نظرات هدى نظرات حسن كان يتامل فيهم بدون هدف ولا حتى انه يكون منقهر نزل عيونه على مياس الي همست:شفيه عمي! حسن:مافيه شي لا تفكرين بشي انتي حط يده على كتفها بحنيه وكانه ابوها ام سيف:يارب تستر وتقومه بالسلامه ام هدى:امين يارب عشان بنته يويلي شوفيها تقطع القلب سعود مسك يد ملك بقوه وهو يمسح عليها وهو يحس بثقلها يميل عليه:ملك شفيك ملك ام سيف جت بسرعه:شفيها سعود بخوف: مدري ام سيف:خذها يمه للغرفه خلها ترتاح سعود شالها ومشى وهو متجاهل نظرات الكل لهم حطها على السرير وهو يمسح على يده وراسها على ص*ره وبكاها ما وقف ويدينها ترجف سيف تن*د بضيق:الله يشفيه ود بهمس:امين سيف: خلينا نرجع للغرفه ود سحبت كرسيه ومشت فيه للغرفه دخلت وسكرت الباب سيف ابتسم: هذي للحين نايمه ود جلست على السرير: يعمري عليها خلها نايمه انحنت وباست خدها بخفيف وهي تعدل الغطى عليها سيف ميل راسه : تحبينها ! ود لفت عليه بستغراب: اكيد احبها وش هالسوال سيف صد: ولا شي بعد وقت شبه طويل جالسه عند ابوها وماسكه يده بخوف انها تفقده وعيونها مليانه دموع ابو ملك شد على يدها: مافيني شي كله تعب خفيف امسحي دموعك اشوف ملك بحة وصوتها برجف: لا تخليني مالي غيرك ابو ملك بلع غصته وبتعب: ماني مخليك واذا صار لي شي سعود معك راح يحميك انا واثق من هالشي ملك بكت: بس انا مابي سعود ابيك انت معي ابو ملك سحبها وهو يحضنها ويمسح على شعرها بحنيه وبداخله ضيق عليها ولو عرفت بمرضه وش بتسوي وكيف بتعيش من بعده دخل بعد ما وصل الدكتور وعرف منه شفيه عمه وكيف كان يوصيه انه ما يتعب نفسه ابد عقد حاجبه وهو يسمع اصواتهم مع بعض وقف عند الباب فتح عيونه بصدمه من كلامها ولا قدر يستوعب الي يسمعه هدى:سيف انا احبك ليه مو راضي تفهم سويت كل شي عشانك سيف تافف: يبنت الناس انتي ماتفهمين هدى قربت منه: لا ما افهم انت الي افهمني انا كذبت على سعود وعيشته بكذبه بس عشان اعرف اخبارك اول باول بس ماعاد اقدر اتحمل اكثر سيف بسخريه: ماني غ*ي انا ادري كل هالحركات عشان سعود تزوج وما عاد عطاك وجه جيتي لعندي وانا كم مره قلتلك بعدي عن سعود ولات**رين قلبه بكذبك سكت وهو يركز عيونه بعيونها بس لو تموتين قدام عيني صدقيني مراح احبك ولا حتى افكر فيك هدى بحقد: طيب ياسيف راح تندم انت واخوك لفت وطلعت بقهر والحقد ماليها ولا انتبهت لسعود الي واقف ورا الجداد لما طلعت عض شفته وهو يحس بالغصه واقفه بحلقه اخوه عضيده سنده بالحياة كيف قدر يسوي فيه كذا كان يدري انها تلعب عليه وكان يدري انه يحبها كيف قبل يكلمها ويكذب عليه طول هالفتره شد على قبضت يده وهو يتذكر كلام هدى عن سيف وكيف كانت تهتم لاخباره وهو ولا حاس كيف كانت ترفض لما يطلب يقا**ها بس الحين داخله عند سيف بدون ماترفض ابتسم بسخريه على نفسه وكلام سيف يرن باذنه: ابعد عن البنت يسعود والله راح ت**رك هذي كل يوم تحب لها واحد همس بخفيف: ليه ماقلت انه هالواحد انت ليه قبلت تطعني بظهري مسح على وجهه ومشى لغرفة ابو ملك دق الباب ودخل تصنع الابتسامه: شلونك الحين ابو ملك وهو حاضنها ويمسح على شعرها: انا بخير بس زوجتك بتعبني اذا ماوقفت بكى سعود جلس ورا ملك مد يده لخصرها وسحبها وهو يقومها عن ابوها لف وجها لمه ومسح دموعها :زوجتي حساسه شوي بس اكيد ماتبي تتعب ابوها صح ملك رجف جسمها من حركته وبدون شعود هزت راسها ب اي ابو ملك بتعب خفيف: سعود يبه اخذها معك انا بنام شوي الدوا دوخني ملك لفت عليه: لا بجلس عندك ابو ملك تجاهلها: انتبه لها وعدل الغطى عليه وسكر عيونه سعود مسك يدها وبهمس: خليه يرتاح يلا جلس برا لحاله وهو يفكر فيها وبكلامه لها وابتسم وهو يتذكر اخر موقف بينهم سحب جواله وارسل لمياس تجيه عشان يسال عنها نزل جواله تذكر شكل سعود وملك وبداخله: كنت تغار عليها منه شصار الحين تحولت مشاعرك للبرود هز راسه لا مو انا الي اخون صاحبي واخوي تن*د وهو يتذكر زعل سعود منه قام بسرعه ومشى وقف قدام غرفته وق الباب بسرعه بدون تفكير سعود فتح الباب عقد حاجبه: حسن خير! حسن هز راسه: خير بس اذا تكلمنا مع بعض ونسينا الي صار سعود سكر عيونه وبحة: واذا نسيت برجع اقولك اسرار مره ثانيه وترجع تعايرني فيهم حسن نزل عيونه وبندم: والي خلق محبتك بداخلي اني ندمان ولا اعرف كيف قلت هالشي انا كان همي انك تبعد عن.. قاطعه سعود بخوف ان ملك تسمع: اشش ملك داخل خلاص ماني زعلان حسن:زين اجل امش نجلس شوي تحت سعود بضيق: لا خلها بالليل وبتصريف مابي اترك ملك لحالها الحين حسن ابتسم وهو يحس ان سعود بحد بدا يهتم في ملك: الله يخليكم لبعض زين لافضيت كلمني ومشى وتركه سعود دخل وسكر الباب جلس على السرير وعيونه على الارض بدون اي هدف ويفكر طلعت وهي تنشف وجها جلست جنبه وبحة: الدكتور شقالك عن ابوي سعود لف عليه :نازل ضغطه بس لاتخافين ملك بعدم تصديق: مو جالس تكذب علي صح! سعود بحنيه رفع يده على وجها مسح على عيونها الي لونهم احمر من كثر البكى: لا ما اكذب بس ارحمي نفسك ولا عاد تبكين ملك عضت شفتها وبحة: خايف اخسره وانا مالي غيره بالحياة بضيع لو يصير له شي سعود سحبها لحضنه بسرعه: وانا وين رحت انا معك وجنبك ماراح اتركك لو دقيقه ملك بكت وراسها على ص*ره: انت مو لي انت لها سعود بعدها عنه ومسك وجها بيدينه وعيونه تطالع بعيونها: من اليوم ورايح مافيه غيرك بحياتي مافيه بنت غير ملك ورب البيت ان قلبي مافيه احد ومشاعر الحب صارت كره لها باس جبينها وبهمس: لاتزعلين نفسك عشان وحده ماتسوى ملك انصدمت ولا تكلمت كيف كرها وهو كان مايرضى عليها حست بفرح بداخلها من كلامه سكر عيونها سعود بعد عنها وبحنيه: نطلع نمشي تغيرين جو ملك هزت راسها ب لا: راسي يوجعني خلينا هنا سعود: الي تبينه بس بخليهم يجيبون فطور واجيك قام وطلع من عندها ملك مسحت عيونها بخفيف وهي تفكر بكلامه وبهمس:كرها وامس كان يحبها صاير شي اكيد مستحيل يكرها كذا والا جالس يكذب علي

Free reading for new users

Scan code to download app

App Store Google Play

Facebookexpand_more