LAURA MAY CASTILLO
Kinabuksan ay maaga akong nagpunta sa mga Aquillas. Mabuti nalang at naabutan ko pa si Sir Greyson na papalabas sa front door upang pumasok sa trabaho. Nabatid ko kaagad ang bahagyang pagpayat niya at maitim rin ang ilalim ng kanyang mga mata.
Lumiwanag ang kanyang mukha nang magtagpo ang aming mga mata. Agad din ang paglingon ng mga bodyguards niya sa akin at kasama roon si Hans.
“Laura, is there something you need?” Tanong niya habang nakaabang ang bukas na pinto ng sasakyan.
Napalunok ako. “S-Sir, m-may project po kasi kami sa… sa isang subject—”
“Speak normally, Laura. Hanggang ngayon ba ay takot ka pa rin sa akin?” Natawa siya ng mahina. “May project ka sa isa mong subject and?”
“Pwede po ba kaming manghuli ng palaka sa lawa? Marami po kasi akong nakita roo
