LAURA
Isang araw na hindi nagpakita sa akin si Hans. Siguro ay busy ito sa bahay ng mga Gregorio.
Nais ko sana na makita ito at makahingi ng tawad. Hindi tama ang mga inasal ko sa kanya gayong tinutulungan lang naman niya ako na makisama sa iba.
Pagkatapos kong kuhanin sa tindahan ang mga binili ay umuwi na ako. Ngunit sa aking paglalakad ay nakasalubong ko si Tonyang.
"Laura! Mabuti at nakita kita rito!"
Hindi ko pinahalata ang iritasyon sa dalaga.
"Bakit?"
"May binigay sa akin na imbitasyon si Hans. Birthday pala niya ngayon."
"Huh? H-Hindi ko alam."
Labis akong nakonsensya na malaman na kaarawan niya ngayon.
"May party na gaganapin sa mga Gregorio mamayang gabi at sinabihan ako ni Hans na dalhin ka roon."
"Gustuhin ko man ay wala akong magandang damit, Tonyang. Mabuti pa a
