LAURA MAY CASTILLO
Palagi akong sinusundo ni Hans kapag uuwi na ako kahit malapit naman ang bahay ko sa trabaho. Kumalat na rin ang balita na may nanliligaw sa akin at nagiging tampulan na ako ng tukso madalas.
Pagkatapos ng isang linggo ay umuwi na si itay sa probinsya dahil hindi niya pwedeng pabayaan ang bukid at mga alaga. Hinatid siya ni Jack pauwi at bilang pasasalamat ay pumayag si Hans na mag-leave siya ng tatlong araw.
“Laura, nandiyan na iyong sundo mo. Kanina pa naghihintay, nakapag-endorse ka na ba?” saad ng co-nurse ko nang makabalik na ako sa station.
“Oo, nakapag-endorse na. Grabe, ang tapang n’ong relative ni Room 350 ah. Inayos ko lang ‘yong swero pero may pa-video na si nanay.”
Natawa nalang ito sa reklamo ko. “Buhay na natin ang social media, girl, parang hindi ka n
