“FAY!” mabilis na tumakbo si Storm sa babaeng naglalakad, di kalayuan sa kaniya. Nawala ang ngiti sa labi niya nang paghila niya rito ay hindi ang dalagang hinahanap niya ang nasa harapan. “Sorry…” mahinang paghingi niya ng paumanhin dito.
Halos naikot na niya ang buong kapitolyo ng Davao para lang hanapin ang dalaga. Kahit sa mga lugar na pwedeng puntahan ni Fay ay pinuntahan na rin niya. Pero kahit saan ay hindi niya ito makita, parang unti-unti na rin siyang nawawalang ng pag-asa dahil kung talagang pinili nitong lumayo, ano pa nga bang magagawa niya at kung mas pinili na lang nitong sumuko.
Nawawalan siya ng pag-asa na naupo na lang sa gutter sa gilid ng kalsada na kinatatayuan niya. Naisapo na lang niya ang kamay sa noo niya dahil hindi na niya malaman ang gagawin at hindi niya alam
