HALOS hindi nakapag-focus sa maghapong trabaho niya si Fay, at nasa huling breaking news schedule na sila nang biglang tumunog ang cellphone niya. Nang makita niyang si Xena ‘yon ay agad din naman niyang sinagot.
“Yes, hello?”
“Fay!” ramdam niya ang panic sa boses nito kaya hindi niya maiwasan ang kabahan.
“Oh, bakit? May nangyari ba sa kambal?” nagpa-panic na rin na tanong niya.
“Eh kasi si Silas, biglang nahirapang huminga tapos ang daming niyang rushes kaya isinugod ko siya ngayon dito sa Juan Calixto Chavez General Hospital.”
“Sige, sige, papunta na ako riyan. May doctor na bang tumitingin sa kaniya?”
“Oo, mayroon na. Punta ka na rito, hindi ko kasi talaga alam ang gagawin ko, eh!” naiiyak nang wika nito. Hindi man niya ito kasama pero alam niya ‘yon base sa boses nito.
“Sige,
