NAIILING na lang siya dahil ayaw pa rin umalis ni Genevieve sa loob ng opisina niya.
“Gen, umalis ka na dahil mag-uusap kami ni Fay!” pagpapaalis pa rin niya sa dalaga. Hindi pa rin ito nagsasalita.
Nasa huling higop na siya ng kape niya nang maramdaman niya ang pangangati ng batok niya. Nang kamutin niya ‘yon nakapa niya ang malalaking pantal doon kaya patingin siya sa braso niya, doon niya napansin ang pagsisimulang pamumula rin ng balat niya. Alam niyang hindi magandang senyales iyon.
Agad niyang pinindot ang intercom. “Bring me some water,” utos niya at unti-unti na rin niyang nararamdaman ang pagsikip ng hininga niya.
“What happened, Storm?” nababahalang tanong din sa kaniya ni Genevieve, nang tumayo ito ay kasunod na nitong pumasok ang sekretarya niya at dala nito ang isang bas
