NANG dahil nga sa biglaang pagbalik nila Fay sa Davao ay hindi na nagawang sumama pa ni Fely sa kanila dahil hindi nito magawang iwan ang inang may sakit kaya naman namomroblema siya sa ngayon.
“Fely, baka naman may maire-refer ka sa ‘kin?” malungkot na tanong niya sa katulong. “Tiwala na kasi ako sa ‘yo saka hindi ko alam kung mapagkakatiwalaan ko ba kung may ibang mag-aalaga sa mga anak ko.”
“Wait! May tinatanong kasi sa ‘kin kahapon ‘yong pinsan ko. May kaibigan daw kasi siya na naghahanap ng trabaho sa Davao, alam kasi nilang taga-Davao kayo kaya sa ‘kin siya nagtatanong na baka may maibigay raw kayong trabaho sa kaibigan niya dahil, sa ngayon daw nahihirapan ‘yon maghanap ng trabaho.”
“Sure ka ba na mapagkakatiwalaan ‘yang kaibigan ng pinsan mo?” nag-aalinlangan pa rin na tanong ni
