Sydney Ortiz
Malakas ang bawat pagkabog ng dibdib ko sa bawat paglipas ng minuto habang pauwi ako ngayon sa bahay. Hindi mawala-wala sa isipan ko ang mensaheng nagmula kay Patrick. At sa tingin ko ay kinakailangan ko na nga talaga siyang harapin at kausapin dahil sa mga nais niyang sabihin sa akin. Kahit na hindi ko alam o hindi ako sigurado sa sinasabi niyang katotohanan na dapat kong malaman, ay pakiramdam ko kinakailangan ko na siyang makita at makausap ngayon. Mukhang hindi din kasi ako matatahimik kung hindi ko ito malalaman ngayon.
Ilang sandali pa ang lumipas nang makarating na ako sa kanto ng lugar namin. Bumaba ako ng sinakyang Jeep saka nag-umpisang maglakad papasok sa looban. At hindi ko maunawaan kung bakit habang mas napapalapit ako ay mas lalong kumakabog ng malakas ang dib
