ISANG pilit na ngiti ang lumabas sa labi ni Sari habang pinagmamasdan ang natutulog na anak. Alas onse na ng gabi. Katabi niya ito sa malaking kama. Suite ang kinuhang kuwarto ni Mikhail para sa anak. Kaya naman kahit nasa ospital sila ay parang nasa bahay lang rin sila. Tinabihan niya ang anak pero napakaluwag pa rin ng hinihigaan nila. Kahit humiga roon si Mikhail ay magiging komportable pa rin silang tatlo sa kama.
Tahimik at payapang natutulog lamang si MM. Mabait naman ito. Nakatulong rito ang ipinainom kanina para hindi na magligalig ang anak, kagaya ng lagay raw nito bago dalhin sa ospital. Maayos na ang anak. Mukhang makakalabas na sila bukas.
Pero hindi pa rin masasabi ni Sari na lubos na siyang maayos. Hindi natural na lumalabas ang ngiti niya. Nasasaktan siya sa nangyari sa an
