NAPABALIKWAS ng bangon si Mikhail nang makitang lagpas alas otso na ng umaga. Hindi iyon ang normal na gising niya. Sa loob ng ilang linggo na umuwi siya ng Pilipinas upang makasama ang anak ay nasanay siya na gumising ng alas sais ng umaga. Siya ang naghahanda ng almusal ng "pamilya" niya. Nakonsensya siya nang mabigo siya ngayon. Masyadong napasarap ang tulog niya.
Pero ganoon nga siguro kapag masarap ang pakiramdam, nasa isip-isip rin naman ni Mikhail. Isang linggo na ang nakalipas simula nang ma-ospital ang anak. Pagkatapos ng takot at pag-aalala ay napalitan naman iyon ng ligaya. Naging maayos rin ang anak. At ramdam niyang ganoon rin sila ni Sari.
Lumabas ng kuwarto si Mikhail. At lalo pang nadagdagan ang saya na nararamdaman niya nang makitang gising na rin si MM. Hawak-hawak nito
