PINAYUHAN si Sari ng espesyalista na tumingin sa kanya na pilitin ang makipag-bonding sa baby niya. Makakatulong raw iyon sa kalagayan niya. Noong una ay natakot siya. Naalala niya ang mga pagkairita, lalo na ang hallucinations niya sa anak. Palaging pumapasok sa isip niya na paano kung maggawa niya iyon sa totoong buhay? Marami siyang pag-aalinlangan. Pero dahil sa tulong ni Mikhail ay nilakasan niya ang loob. Nagtiwala siya sa sarili niya dahil alam niya na may nagtitiwala rin sa kanya.
Mahigit dalawang linggo ng nakatira si Mikhail sa bahay niya. Halos hindi ito umaalis. Binabantayan siya nito at ang anak nila. Pagkatapos kasi ng nangyari sa anak ay hindi na muna sila naghanap ng kasambahay. Na-trauma na sila dahil sa ginawa noong una. Pinangako naman ni Mikhail na hindi ito aalis haba
