MAGAAN kaysa sa nakaraang gising ni Sari ang pakiramdam niya nang muling maggising. Wala ng iyak ng bata. Hindi na rin niya iisipin na buong araw siyang matatakot. Alas otso na ng umaga. Ayon kay Mikhail, kukuhanin ng ina nito si MM ng alas siyete ng umaga ngayong araw. Hindi na kasi ito nadaanan kahapon dahil gabing-gabi na ang mga ito pauwi.
Walang pressure sa kalooban ni Sari. Iba pa rin kasi talaga ang pakiramdam niya sa anak. Iniisip pa nga lamang niya na makakasama niya ito ay nairirita na siya. Nababa-bother siya sa nararamdaman. Gusto na rin naman niyang maging magaling kaagad. Pero hindi rin naman niya mapipilit ang sarili. Nagsisimula pa lamang siya sa medication.
Gustong magtiwala ni Sari na gagaling siya. Masama rin naman sa pakiramdam niya ang isipin na pinababayaan niya ang
