PRACTICE---iyon ang angkop na salita sa eksena kung saan nakita niyang hubad si Mikhail. Dahil dalawang araw pagkatapos noon ay kailangan niyang masanay na makita ang nakakatukso na eksena na iyon ng matagal na oras. Isinama siya ni Mikhail sa wedding anniversary ng magulang nito. Gaganapin iyon sa beach resort na pagmamay-ari ng pangatlo at half-Sicilian nitong kapatid na si Rocco.
"Ayoko nga. Nakakahiya! Hindi naman ako parte ng pamilya niyo." Tanggi ni Sari.
"But I need to be there. Lahat kaming magkakapatid ay palaging dumadalo ng wedding anniversary ni Mama at ni Tito Braxton kahit hindi naman namin tunay na ama ang huli. At kung nasaan ako, dapat ay naroroon ka rin."
Umiling si Sari. Bagaman nagugustuhan niya na may umaalalay sa kanya sa mga mahirap na oras na ito ay iba pa rin ku
