TWENTY-ONE
"HUWAG ka nang pumasok ngayong araw. Magpahinga ka na lang dito," saad ni Dana nang puntahan siya nito sa bahay. Pagkatapos ng almusal ay naligo na siya at nagbihis para pumunta sa resort pero biglang dumating ang kaibigan para pigilan siya.
Noon siya napatingin kay Railey na nasa may pintuan ng kwarto niya. Nag-iwas ito bigla ng tingin at dahil do'n napagtanto niyang ito ang dahilan ng pagsulpot ni Dana.
"Okay na 'ko. I can work," sabi niya habang nakaharap sa full-length mirror. Nag-apply siya ng lipstick para itago ang pamumutla. "Isa pa, cocktail night mamaya kailangan nando'n ako."
Nakita niya nang hipan nito ang bangs tanda na nauubusan na ito ng pasensya. "Kaya na namin 'yon. Magpahinga ka na lang dito. Wala nang pero, pero. Papabantayan kita sa nurse mo, okay?"
"Nur
