TWENTY
HANGGANG sa mga oras na 'yon ay naririnig pa rin ni Rasha ang mala-demonyong tawa ng babaeng dumukot sa kanya. Kanina pa siya tumatakbo pero para bang walang katapusan ang gubat na 'yon.
Unti-unting bumagal ang pagtakbo niya hanggang sa tuluyan siyang tumigil sa likod ng isang malaking puno at mayabong na halaman saka niya hinabol ang paghinga. Kasabay ng pagod ay ang iniinda niyang sakit dahil sa mga sugat sa iba't ibang parte ng katawan niya na walang tigil sa pagdugo.
Hindi niya alam kung gaano katagal na siyang hawak ng baliw na 'yon. Natatandaan niyang pagkatapos nila mag-usap ng boyfriend niyang si Ian ay tumanggi na siyang magpahatid dito. Kumuha siya ng taxi at habang binabagtas nila ang daan pauwi ay may ipinaamoy sa kanya ang driver at pagkatapos no'n ay nagising na si
