NINETEEN
PUNO NG paghangang inilibot ni Rasha ang tingin sa kinaroroonan nila. Ang kumukuti-kutitap na mga ilaw, ang mga maiingay na sigaw ng tao na nakasakay sa iba't ibang rides, pati na rin ang mga laro na nakikita niya ay nakadagdag sa excitement na nararamdaman niya.
Abot-tenga ang ngiting hinarap niya si Railey. "Pa'no mo nalaman ang lugar na 'to?"
"Kabisado ko ang bawat lugar sa bayan na ito at isa lang ito sa magagandang lugar na alam ko. 'Wag kang mag-alala hindi lang ito ang lugar na pupuntahan natin. Game ka na bang bumalik ulit sa pagkabata?" Tanong nito at inilahad ang palad sa kanya.
Saglit niya lang 'yong tinitigan at mayamaya ay masaya na nilang nilibot ang loob ng amusement park nang magkahawak ang kamay.
Hindi 'yon ang unang beses ni Rasha sa ganoong lugar. Pero 'yon
