THIRTY-ONE
Nagpupuyos sa galit ang dibdib ni Rasha ngayong kaharap niya uli ang lalaking sumira ng buhay niya. Ang lalaking nahuli niyang nagmamanman sa kanya noong nakaraan ay walang iba kun'di si Ian Ramirez, ang ama ni Miggy at ang dati niyang nobyo.
Hindi niya alam kung anong mukha ang meron ito para humarap pa sa kanya matapos ng ginawa nito almost three years ago.
Ngayong kaharap niya ito ay gustong-gusto niya itong sampalin pero matinding pagpipigil ang ginagawa niya dahil nasa restaurant sila at marami ang kumakain ng mga oras na 'yon.
"Anong kailangan mo? Anong ginagawa mo dito?" Mahinahon ngunit may diin na tanong niya.
Nakita niyang nakatingin ito sa likuran niya. Nang tumingin siya sa tinitingnan nito ay nakita niya si Miggy na kasama ang mga magulang niya. Nasa tabing dag
