FORTY-TWO
PAGKATAPOS ng ilang araw na pananatili sa ospital ay pinayagan na rin ng doktor si Railey na makauwi. Hindi maintindihan ni Rasha kung bakit sa ilang araw na 'yon ay palagi itong nagpipilit na umuwi. Ang isa pang ipinagtataka niya ay nagpakuha ito ng mga tao na magbabantay sa kanila sa ospital at hanggang sa makauwi sila ay kasama nila ang mga ito.
Sinubukan niyang tanungin ang kapatid sa kung ano ang nangyayari pero tikom ang bibig nito. Isang tao lang ang alam niyang pwedeng sumagot sa tanong niya.
Kumatok siya sa kwarto ni Railey at hinintay niyang pagbuksan siya nito. Pero lumipas ang ilang segundo ay walang sumagot o nagbukas man lang kaya lakas loob niyang binuksan ang pintuan. Kagaya noong huli siyang nanggaling doon ay hindi na naman 'yon naka-lock kaya malaya siyang n
