FORTY-ONE
UMAGA PA lang ay umalis na ng villa si Rasha. Susunduin niya si Riz Anne dahil ngayong araw ito madi-discharge. Dala niya ang sariling sasakyan at siniguro niyang walang makakakita sa pag-alis niya lalo na si Railey.
Hangga't maaari ayaw niyang magkita sila dahil naaalala niya lang ang mga sinabi niya kagabi. Na-realize niya kung gaano siya ka-desperada sa mga pinagsasabi niya sa binata. Nahihiya siya at pakiramdam niya wala na siyang mukhang maihaharap dito.
Hanggang ngayon nga ay napapangiwi pa rin siya kapag naaalala niya ang mga sinabi lalo na nang makita niya ang reaksyon sa mukha ni Railey. Clueless ito at mukhang naguluhan sa mga narinig. Ni hindi niya man lang ito binigyan ng chance na magpaliwanag.
Sa isang banda tama lang na hindi na niya narinig ang side nito dahil
