FOURTY-FOUR
"SIGURADO KA bang okay ka lang, Dan? Wala bang ginawa sa'yo si Ian?" Nag-aalalang tanong ni Rasha sa kanya. Nasa living room sila kasama ang dalawang kapatid nito at sila Railey.
"Oo nga. Ni hindi nga niya nadikitan ang dulo ng buhok ko no," turan niya. Medyo natotorete na siya dahil pangalawang beses na siyang tinanong ng kaibigan. Bukod pa do'n ay naiinis siya sa paraan ng pagtitig no'ng mokong na nakasandal sa gilid ng couch.
"Ngayon napatunayan na natin na siya nga ang nasa likod ng sunog at ang muntik nang aksidente ni Rasha," saad ni Lance.
"Paano? Ni hindi niyo nga nakita na siya ang may gawa?" Hindi niya napigilang isatinig. Pero kahit siya man ay napapaisip na baka nga tama ito.
"Isa lang ang dahilan," saad ni Harvey. "Baliw na si Ian kay Ate," dagdag pa n
