FOURTY-FIVE
"TOTOO BA 'to? Fully booked na ang resort ngayong araw?" Hindi makapaniwalang tanong ni Rasha habang nakatingin sa computer monitor. Nagtataka siya dahil hindi pa man lumilipas ang kalahating araw ay puno na ang resort ng mga guests.
Abala ang lahat ngayon dahil ngayon ang anibersaryo ng Precious Paradise Resort.
"Maniwala ka na dahil nagsisimula nang magdatingan ang mga nagpa-reserved," turan ni Dana. Napatingin siya sa direksyon na tinitingnan nito at nakita niya ang mga bagong dating na customer.
"Excited siguro sila sa fireworks display mamayang gabi at sa boodle fight mamayang tanghali na courtesy ng resort," dagdag pa nito.
Napangiti siya sa sinabi nito. Siguro nga kaya dinagsa sila ng mga customer na karamihan ay kasama ang buong pamilya. Hindi talaga sila magkamaya
