THIRTY-NINE
"ANO BANG nangyayari sa'yo? Parang noong isang linggo lang may sakit ka din a," palatak ni Dana habang tinutulungan bumangon si Rasha.
Nilagyan niya ng unan ang likod nito at nang masigurong maayos na itong nakapwesto ay umupo siya sa harapan nito. Hindi ito sumagot o tumingin man lang sa kanya. Nakatuon ang atensyon nito sa labas ng bintana.
Naninibago siya sa kaibigan. Para itong walang ganang makipag-usap o kumilos man lang.
Lumapit pa siya dito at ginagap ang dalawa nitong kamay. Nakuha naman niya ang atensyon nito nang tumingin ito sa kanya. Saka lang niya napansin ang luha na nagbabadya nang tumulo.
"Anong problema, Rash? Sabihin mo sa'kin?" Nag-aalalang tanong niya. Pakiramdam niya na-trigger ng sinabi niya ang emosyon ni Rasha at nag-unahan na sa pagtulo ang luha n
