"WOW! SEE? ANG GALING MO!"
Nanlalaki pa rin ang mga matang tumingin ako kay Dos, bago muli kong ibinalik ang tingin ko sa test paper nitong hawak ko.
Abot hanggang tainga ang ngiti na pinasadahan ko pang muli iyon ng tingin, mula sa number one, hanggang sa pinakahuling bilang.
Hindi ko maipaliwanag iyong tuwa na nararamdaman kong bumabalot sa dibdib ko. Pakiramdam ko ba, ay isa akong magulang na proud na proud sa naging achievement ng kanyang anak, sa unang araw nito sa klase.
Paismid na umangat ang gilid ng mga labi ni Dos.
"Basic." Ngumisi pa ito at nakipag-high five kay Casper, na siyang katabi nito.
Pabirong ipinaikot ko naman ang mga mata ko at inirapan ang lalaki
Nagulat pa ako nang mawala sa kamay ko ang test paper nito. Inagaw pala iyon ni Clay sa akin. Sabay pa kaming napat
