FLASHBACK
"ISLA..."
Nahigit ko ang paghinga ko nang maramdaman kong gumalaw ang kamay ni Dos na naka-alalay sa likod ko. Gumapang iyon paitaas, hanggang sa makarating sa upper back ko.
Sa ibabaw mismo ng lock ng suot kong bra!
Mabuti na lang talaga, at naisip kong muling isuot iyon kanina. Kung nagkataon... tsk.
Kung bakit ba naman kasi hindi ko naisip na mag-ingat?
O, kaya naman ay nagtuloy na lamang sana ako patungo sa kama, para matulog na, katulad ng nauna kong plano, at hindi na pinatulan pa ang pang-aasar ng lalaki kanina.
Ang bilis ng mga pangyayari. Ang natatandaan ko ay sinasabunutan ko lang ito kanina, dahil sa labis na inis ko rito.
Biglang namalayan ko na lang ay nakadapa na ako sa ibabaw ng katawan nito, at nakapaikot na ang isang braso nito sa katawan ko!
Lakas-loob
