"GOTCHA!"
Kung may sakit lang ako sa puso, malamang, inatake na ako sa labis na gulat, nang mula sa kung saan ay bigla na lamang sumulpot si Dos at hulihin ang isang braso ko.
Ang lakas ng singhap ko, at mariin pa akong napapikit, pagkatapos.
Kapagkuwan, ay huminga ako ng malalim, upang pawiin ang malakas na kabog ng dibdib ko.
"Saan ka pupunta?"
Pinadausdos ng lalaki ang kamay nito, mula sa braso ko hanggang sa kamay ko at pinagdaop ang aming mga palad.
Pilit kong binabawi ang kamay ko rito, ngunit hindi nito iyon binitiwan. Sa halip, ay lalo lamang nitong hinigpitan ang kapit sa akin. Saka nagsimula nang humakbang, akay ako sa likuran niya.
Ramdam ko ang init ng mga tingin ng ilang mga estudiyante na nadaraanan namin, lalo na sa magkahugpong naming mga kamay ng binata, ngunit para
