"ERR. . . YAYAYAIN SANA KITA NA—HMM. . . K-KUMAIN?"
Habang nagsasalita ako ay hindi mapirmi ang mga mata ko kay Dos. Palipat-lipat ang alanganin kong tingin dito at sa mga hindi pamilyar na mukha sa loob ng opisina nito.
Ewan ko ba. . . kung tutuusin ay wala naman akong dapat na pakialam doon.
Eh, ano naman sa akin kung may mga ka-meeting ang mag-ama? Malay ko kung tungkol lang naman pala sa negosyo ang pinag-uusapan ng mga ito?
Na sa malamang, ay ganoon na nga.
Ano naman ang alam ko roon?
Dapat nga ay umalis na kaagad ako pagkakita ko pa lang na may iba ang mga itong kausap, para bigyan sila ng privacy. Baka nakakaistorbo na pala ako nang hindi ko pa nalalaman.
Pero kasi, iba ang ibinubulong ng instinct ko. Parang may something kasi sa mga mata ni Dos na feeling ko ay hindi tama. K
