"LOVE. . . LOVE. . . "
Ang mahihinang tinig na iyon ng asawa ko na sinabayan pa ng maingat na pagyugyog sa balikat ko ang gumising sa akin.
"Hmmm. . . " Nag-inat lang ako at umiba ng pwesto ngunit hindi pa rin ako bumangon.
Anong oras na ba? Bakit gising na ito?
"Love. . . "
Pero hindi pa rin ito tumigil kaya naman wala na akong nagawa kung hindi dahan-dahang magmulat ng mga mata. Maliit lang muna dahil bahagya pa akong nasisilaw sa liwanag.
At awtomatikong sumilay ang matamis na ngiti sa mga labi ko nang ang magandang mukha nito ang unang bumungad sa akin pagmulat ko.
At alam ko na magmula sa mga oras na ito ay ang magandang mukhang ito ng asawa ko ang mamumulatan ko sa lahat ng mga umagang darating pa sa buhay ko.
"Good morning, Angel." Nakangiti ko pa ring bati rito. "Bakit ang
