"BAKLA KA, IKAW NA TALAGA ANG SAKALAM, HA!"
Lukot ang noo at hindi malaman kung ngingiti, o ngingiwi na bahagya kong nilingon si Arsi. Kanina pa ito hindi matapos-tapos ng kaka-kantyaw sa akin. Hanggang sa makapasok sa classroom kung saan ako dating nagtuturo dito sa St. Mary's Academy ay nakasunod pa rin ang lalaki.
"Sakalam ka riyan? Ano 'yon?" Natatawa na naiiling ko pa ring tanong habang inilalapag ang shoulder bag na dala ko sa ibabaw ng table.
Kagagaling lang namin sa Director's office.
Kaninang umaga, pagpasok ni Thirdy sa school ay sumabay ako sa anak ko upang magsadya nga sa opisina ng Director ng Academy upang magtanong kung maaari pa ba akong bumalik muli sa pagtuturo.
Wala nga sana akong balak na isama pa si Arsi hanggang sa itaas. Ani ko, ay kaya ko naman na umakyat na ma
