HALOS ALAS TRES NA NG HAPON nang makauwi kami ni Thirdy ng mansyon.
Pagkatapos ng klase ay niyaya ko pa kasi ang anak ko na sa paboritong restaurant nito kami kumain ng pananghalian. Nang tanungin nito kung bakit, ay sinabi ko na upang i-celebrate nga ang muli kong pagbabalik sa pagtuturo.
Wala naman akong nakitang naging problema rito. Nagpakita pa nga ito ng saya dahil sabay na raw kaming papasok at uuwi mula sa eskwela, simula bukas.
Nakahinga naman ako ng maluwag. Natutuwa ako na suportado ng mag-ama ko ang naging desisyon ko na muling magtrabaho.
Matapos mabihisan ay hindi na nga kinaya pa ni Thirdy ang antok. Oras na rin naman talaga kasi ng siesta nito. Nasa loob pa ako ng silid at inililigpit ang mga pinagbihisan nito ay nakahiga na ito sa kama at halos tukuran ang mga mata upa
