"BAKIT NGA ULIT KAYO NANDITO?" Nakakunot pa ang noong tanong ni Dos sa mga kaibigan niya.
Gising na ito. Nakaupo na sa tabi ko. Sa harap nito ay isang tasa ng umuusok na kape.
May katagalan din kanina, na natulog itong muli, habang nakayakap sa baywang ko at nakasubsob ang mukha sa tagiliran ko. Hindi ko na ito ginising at hinayaan na munang makapahinga. Ang importante lang naman ay alam na namin kung nasaan siya.
Hindi ko nga alam kung papaano akong nakakain sa ganoong posisyon namin. Basta nakaupo lang ako. Nakayakap siya sa baywang ko. Kapag dumudukwang ako para kumuha ng pizza sa mesa, na siya ko na lang napiling kainin sa dami ng mga pagkain na in-order ni Dash, nararamdaman ko ang lalong paghigpit ng braso nito sa katawan ko. Parang palaging tatakbuhan.
Kapag lumilingon naman ako
