"SO? BAKIT KA NGA ULIT NANDITO?"
Napakunot ang noo ko at bahagyang natigilan nang pagbukas ko pa lang ng pintuan ng condo ko ay salubungin na ako ng tanong na iyon ni Dash.
Kadarating ko lang mula sa paghahatid kay Isla.
Kahit na anong pilit nito, at ng mga kaibigan ko kanina ay hindi nila ako napilit na ipahatid ito sa iba.
Akin ang obligasyon na iyon.
Bukod pa, sa hindi naman talaga ako masyadong lasing kanina.
Nakainom, pero hindi naman lasing, 'ika nga nila. Masarap lang talaga sa pakiramdam na nasa tabi ko ito nang mga sandaling iyon at nararamdaman ko ang init ng katawan nito sa akin. Pakiramdam ko ay kinakalma nito ang naghihimagsik kong kalooban.
Para bang inililipat nito ang positibong enerhiya mula sa kanya, patungo sa akin.
Noong tinawag ko itong Angel kanina, hindi ko n
