"AKALA KO BA MAG-UUSAP TAYO?" Kunot ang noo na bumaling ako kay Dos matapos kong ipagkrus ang mga braso ko sa aking dibdib.
Nagkibit ito ng mga balikat, at lumingon din sa akin. Nasa manibela pa rin nakahawak ang dalawang kamay.
"Yeah. We will. But can we do that later?" May halong pakiusap ang tinig at anyong tanong nito.
Lalo namang lumalim ang kunot ng noo ko. "Bakit kailangang mamaya pa? Saka, ano ang ginagawa natin dito?"
Sa labis na pagtataka ko kasi, ay dinala ako ng lalaki sa isang pambabaeng boutique.
Hindi maipagkakaila na de klase ang boutique. At kahit nasa labas pa kami, sa isang tingin pa lang sa mga naka-display na damit na suot ng tatlong mannequin sa harapan niyon, ay halata nang mamahalin ang lahat ng mga paninda roon.
Oo nga, at naka-pambahay lang akong damit. Hind
