PAGKAHATID KO KAY ISLA ay bumalik ako ng mansyon dahil tinawagan ako ni Dad at sinabing kailangan daw naming mag-usap.
Ayoko nga sana. Parang alam ko naman na kasi kung ano ang pag-uusapan namin.
Iyong tungkol na naman sa traydor na kaibigan ng girlfriend ko.
Kakaumay.
Wala sa loob na napa-simangot ako.
Ang balak ko sana ay sa condo na ako dederetso ngayong gabi para mapaghandaan ang pagdating ni Isla kinabukasan.
Gusto ko sanang makita kaagad kung may stock pa sa ref, at sa pantry, para bukas. At kung wala na ay makabili na. Mahirap nang bukas pa magahol.
Gusto ko ring masiguro na maayos at malinis ang condo ko, para hindi naman nakakahiya sa dalaga, pagdating nito. Minsan na nga lang magpunta roon, pinaglilinis ko pa ng mga kalat ko.
Wala pa man ay excited na ako. Ngayon ko lang
