NAGING MAAYOS NAMAN ang ginanap na pagdiriwang. Pasado ala una nga nang dumating sina Casper at Coleen. Wala naman sa hitsura ng huli na nagulat ito na makita, na may in-organize na party para sa kanyang kaarawan ang kasintahan.
Sabagay, kahit naman noon pa ay gawi na talaga ni Casper na ipagdiwang ang kaarawan ng kanyang nobya. Minsan kasama ang barkada, pero mas madalas na sila lamang dalawa.
Kung minsan nga ay sa labas pa ng bansa nagce-celebrate ang mga ito. Kaya naman hindi na bago iyon para sa dalaga.
Kilala din ni Coleen si Casper na mahilig sa mga sorpresa. Mapa-materyal na bagay man iyan, o mga pangyayari na katulad na lamang ngayon.
Kaya naman nang sunduin pa lamang ito ni Casper sa trabaho ay alam na diumano nito na may bago na namang pakulo ang kanyang nobyo.
Ang labis nit
