"FVCK. SORRY, MISS!"
Nag-angat si Matilda ng matatalim na mga mata at saka pinadapo sa nilalang na nakabangga.
"Ano ba? Bulag ka ba? Ang laki-laki ko, hindi mo ako nakita? Tumingin ka nga kasi sa dinaraanan mo!" Singhal niya pa rito na nagpa-angat naman ng isang kilay ng lalaki.
Ang akma sana na pagtulong nito upang makatayo siya ay nabitin sa ere. Maang na lamang itong napatitig sa kanya habang nakalugmok pa rin sa baldosa. Gumuhit pa ang nang-uuyam na maliit na ngiti sa gilid ng mga labi.
Umunat ng tayo ang lalaki. Ngunit nananatiling nakatunghay sa dalaga. "Pasensya na, Miss, 'no? Pero parang ang pagkakatanda ko, ikaw yata ang hindi nakatingin kanina sa dinaraanan mo."
"Aba't--" Lalong nanalim ang mga mata ni Matilda sa ginawa nitong sarkastikong pagsagot. Kulang na lang ay magbuho
