"DAMN IT, ANDRA! Halika na. Bumalik ka na sa sasakyan. Ihahatid na kita pauwi. Tama na iyang katigasan ng ulo mo!"
Iyon ang mahina, ngunit mariing usal ni Malik sa kanya nang maabutan siya nito ilang hakbang malapit na sa gate ng unibersidad. Hinawakan siya nito sa isang braso, dahilan para mahinto siya sa paghakbang.
Ramdam ni Andra na nagtitimpi lang ito na pagtaasan siya ng boses sapagkat ayaw nitong makakuha ng atensyon ng mga tao sa paligid. Lalo na, at napalingon pa ang dalawang gwardiya sa kanila, na nasa anyo ang pagkagulat nang makilala siya, at makita ang anyo nilang dalawa.
Dinaig pa kasi nila ang mag-nobyo na may hindi pinagkaka-initindihan ang hitsura. Iyon bang tipo na nag-walk out si babae, at hinabol naman ni lalaki upang pag-usapan ang kanilang problema.
Kung sa ibang
