"IS THAT ALL, SIR," Tanong ng unipormadong waiter kay Dos, bago bumaling naman sa akin. ". . . Ma'am?"
Kaya naman binalingan din ako ng nagtatanong na tingin ni Dos. "May gusto ka pa ba?"
Matipid akong ngumiti. Kasabay ng pag-iling-iling ay isinara ko ang menu book na hawak ko at nag-angat ng tingin sa waiter. "Wala na. Thank you."
Magalang na gumanti rin ng ngiti ang waiter sa akin, saka bahagyang yumukod. Bago inabot na ang hawak kong menu book.
Kapagkuwan ay sabay kaming bumaling kay Dos. Hawak pa rin nito ang menu book na ibinigay din sa kanya ng waiter kanina nang dumating kami, ngunit wala na roon ang kanyang atensyon. Tuluyan na ring napalis ang kani-kanina lang na ngiti sa mga labi nito at napalitan ng bahagyang paniningkit ng mga mata.
Napakunot tuloy ang noo ko. Ang waiter n
