NAGING abala ako sa trabaho buong hapon. Reports, calls, documents. Na hindi ko na namalayan ang oras. Patapos na pala ang oras ng trabaho. Nagsimula na akong ligpitin ang nasa mesa ko. Nasa isip kong matutulog ng maaga ngayong gabi nang makapahinga naman ang utak ko.
Busy ako sa pagliligpit nang makarinig ako ng katok sa pinto.
"Come i-!" Naputol ang sasabihin ko nang agad iyon magbukas at bumungad sa paningin ko si Ace.
Agad na bumilis ang tibók ng puso ko nang masilayan siya. Pakiramdam ko ay parang huminto ang oras. Hindi ko alam kung matutuwa ba ako na makita siyang muli pagkatapos ng kagabi, o maiinis ako dahil muli na namang bumilis ang t***k ng puso ko.
Nakasuot siya ng dark navy suit, ang tie niya ay bahagyang nakaluwag na para bang ilang oras na siyang nasa meeting. Kita sa m
