( الحلقة ٢٠ )
و ان كانت النظرات تقتل لوقعت ميرنا من طولها صريعة كل هذا الغل و الغضب و الكره في نظرة واحدة و هي تقف استعد و كأنها لا تدرك ماذا تقول
سونيا : عاوزة تعرفي ببص ليكي ليه ؟ يعني مش عارفة انت ايه اللي رجعك ؟ مش كنتي غضبانه و قولتي هفتح ملف في الكنيسة رجعتي لما عرفتي انه بيحبني و انه خطبني.
كانت تتكلم بحدة و قوة و كأنها علي حق عادل من نظرة الصدمة التي ظهرت علي وجه ميرنا و هي تنظر لها بعدم تصديق .
سونيا: بقي حلو الوقتي مش كنتي مطلعة عينه و مش مريحاه و استحمل عصبيتك و دلعك
ميرنا : انا ....؟
سونيا : أيوة انتي استحمل عدم خلفتك و دلعك كل شوية و يراضي و يدلع و انتي بعد ما خلاص قرر يعيش حياته و يدور علي الي تسعده و تعوضه اللي شافه معاكي قولتي اقلب عليه الطرابيزة..؟
كانت تستمع لها دون أن تنفعل و تتكلم هي فقط تكاد تضحك تكاد تفلت منها ضحكة
