KINAKABAHAN si Zai habang nakatayo sa labas ng function room ng Oriental Hotel kung saan gaganapin ang high school reunion nila. Inaamin niyang kaya pumunta siya doon para ipakita sa mga kaklase niyang nang-aapi sa kanya noon na ibang iba na siya sa Zai noon. Na kahit sa kabila ng p**********p ng mga ito sa buhay niya noong high school ay mataas na ang naabot niya ngayon. Pero hindi pa rin pala kadali ang lahat ngayong alam niyang malapit niya nang makita ang mga dating kaklase. Parang bulang naglaho ang confidence niya. Kinakabahan siya. Paano kung walang pumansin sa kanya?
"Hey. Okay ka lang ba?"
Napalingon siya sa kanyang tabi upang mabungaran ang guwapong mukha ni Dice. He looked so dapper in his dark navy suit and matching tie. Kung hindi lang talaga siya kinakabahan ay tumunganga
