NAKATUNGANGA si Zai sa coffee shop sa tapat ng Valencia Group Inc. na kung saan nila napagkasunduang magkita ni Dice bago sila lumuwas patungong Legazpi. Ang totoo ay props niya lang ang kapeng iyon para hindi magalit ang may-ari ng coffee shop sa pagtambay niya doon. Kailangan niya lang talaga ng lugar na mapaghihintayan na kung saan siya makakapag-isip.
Ngayon kasi ay nagdadalawang isip na siya sa pagsama sa binata dahil wala naman siyang dahilan na para gawin iyon. Kanina ay nagpaalam na siya kay Sir Eddie na aatras na siya sa hamon nito sa kanya. Masama ang lagay ng puso niya dahil hindi niya inaasahang maaapektuhan pa siya ni Dice. Ambisyosa siya pero hindi naman siya ganoon kasama.
Noong una ay iniwan niya si Dice dahil ito lang ang naging choice niya noon pero ngayon, kapag gina
