NAPAILING na lang si Dice nang makitang nakasandal si Zai ng pinapalinisan niyang floor-to-ceiling glass windows kanina bago siya umalis para sa bidding niya sa isang proyekto. Pero mukhang napagod na ito kaya hindi na nito napigilang matulog doon mismo.
Napauklo siya para punasan ang butil ng pawis sa noo nito. Malayung-malayo na ang katayuan nito sa buhay ngayon kumpara sa Zai na nakilala niya noon. Naging mas confident na rin ito na lalong nakapagpadagdag ng ganda rito. Inaamin niyang nagalit siya noon nang iwan siya nito pero ngayong nakikita niyang maayos na ang buhay nito, parang gusto niyang isipin na hindi naman masama ang naging desisyon nito sa buhay.
Minahal niya ito at manananatiling espesyal sa kanya si Zai kahit anong mangyari kaya ay hinahangad niya talagang mapabuti ito
